Jelide Izraıl taýarlaryna qarsy boıkot jarııalaǵan vıdeo paıda boldy. Vıdeoda «biz koladan bas tartamyz dep» belgisiz bireý dúkendegi taýarlardy búldirgen. Bul týraly zańger Aıgúl Orynbek ınstagram paraqshasynda jazdy, dep habarlaıdy «Adyrna» ulttyq portaly.
«QR Bas prokýratýrasy, Ulttyq qaýipsizdik komıteti, QR Ishki ister mınıstrligi! Myna jigittiń is áreketi men sózderin saralaıtyn bolsaq, Qylmystyq kodekstiń 174 babyna saı is ashý kerek! Eldiń aldynda júrgen soń, óziniń emoııasyn ustap úırensin. Halyqty nege shaqyryp otyr? Daǵystandaǵydaı tóńkeriske me? Bul jigitti kóretin jastar, dúkenderge shabýyldap koka-kola sórelerin qıratyp, soıqandaǵanyn kútip otyrsyńdar ma? Palestına úshin bárimizdiń júregimiz aýyryp otyr, biraq halyqty quqyqbuzýshylyqqa, tártipsizdikke shaqyryp keregi joq! Al quzyrly organdarda jumys isteıtinderge aıtarym mılary ýlanǵandarmen jumys isteńder! Bizge osylar qaýiptirek. Jastarǵa aıtarym, myna jigittiń istegenin istep júrmeńder! Qamalyp ketesińder nemese úlken sommada aıyppul tóleısińder!», - dep jazdy zańger.
«Adyrna» ulttyq portaly
