Qazaqstanda jūmyspen qamtylǧan halyq sany 39% östı. Būl turaly ūlttyq statistika biurosy 2021 jylǧy halyq sanaǧynyŋ qorytyndysy boiynşa halyqty jūmyspen qamtu boiynşa kezektı jinaqty şyǧardy, dep habarlaidy “Adyrna” ūlttyq portaly.
Jinaqta salalar, jynys jäne jas qūrylymy boiynşa jūmyspen qamtu deŋgeiı jönındegı körsetkışterdı, sondai-aq 2009 jylǧy sanaqpen salystyrǧandaǧy dinamikalyq özgerısterdı köruge bolady. Jinaqtyŋ ekı tomy stat.gov.kz saitynyŋ «Ūlttyq sanaqtar» – «Sanaq 2021» bölımınde ornalastyrylǧan.
Sondai-aq, 2021 jylǧy sanaq qorytyndysy boiynşa jūmyspen qamtylǧan halyq sany 9 188 myŋ adamdy qūrady, 2009 jylǧy sanaqpen salystyrǧandaǧy ösım – 39,2%.
Jūmyspen qamtylǧandardyŋ negızgı ülesı qalalyq eldımekenderde – jūmyspen qamtylǧan halyqtyŋ 62,5% nemese 5,7 millionnan astamy. 2009 jyly qalalardaǧy jūmyspen qamtylǧan halyqtyŋ ülesı 57,1% nemese 3,8 mln adamdy qūraǧan. Jas toby boiynşa jūmyspen qamtylǧandardyŋ eŋ köp sany 30-34 jas aralyǧynda –
1 450 myŋ adam. 2009 jylǧy sanaq qorytyndysymen salystyrǧanda 2021 jyly joǧary bılımı bar halyqtyŋ jūmyspen qamtylu ülesı 27,1%-dan 30,8%-ǧa deiın artty.
Ūqsas jaŋalyqtar
Jūmyspen qamtudaǧy äielderdıŋ ülesı 2009 jylǧy 45%-dan 2021 jyly 48%-ǧa deiın nemese 1,4 mln adamǧa artty. Salalar bölınısınde jūmyspen qamtylǧandardyŋ eŋ köp sany auyl şaruaşylyǧynda – 1,41 mln adam nemese jūmyspen qamtylǧan halyqtyŋ 15,3% (17,9% – 2009 jyly). Odan keiın köterme jäne bölşek sauda – 1,35 mln adam nemese 14,7% (12,9% – 2009 jyly). Jūmyspen qamtu boiynşa üşınşı oryndy önerkäsıp salasy alady – 1 mln adam nemese 11,1% (11,5% – 2009 jyly). Barlyq jūmyspen qamtylǧan halyqtyŋ ışınde erlerdıŋ eŋ köp ülesı nemese 17% auyl şaruaşylyǧynda, al äielder boiynşa negızınen sauda salasynda – 16%, delıngen habarlamada.