3 jeltoqsanda Serbııanyń Belgrad qalasynda «Aǵaıyndy Karıch qory» syılyǵyn tabystaý rásimi ótti. Qazaqstandyq belgili ánshi Dımash Qudaıbergen de atalǵan syılyqqa ıe boldy. Bul týraly dimashnews saıty jarııalady, dep habarlaıdy “Adyrna” ulttyq portaly.
1979 jyly eldiń ǵylymı-tehnologııalyq jáne shyǵarmashylyq áleýetin qoldaý jáne ilgeriletý, jurtshylyqty álemdik mádenıettiń jetistikterimen tanystyrý ınstıtýty retinde qurylǵan qor 26-shy ret kórnekti sheteldik tulǵalarǵa syılyqtar tabys etti.
Aıta keteıik, «Aǵaıyndy Karıch qory» syılyǵyna buryn álemge áıgili ǵylym, jýrnalıstıka, ekonomıka, mádenıet jáne óner qaıratkerleri ıe bolǵan. Ár jyldary fızıka boıynsha Nobel syılyǵynyń laýreaty J. Alferov, ádebıet boıynsha Nobel syılyǵynyń laýreaty P. Handke, Qazaqstannyń Tuńǵysh Prezıdenti N. Nazarbaev, kınorejısser E. Kýstýrıa, tennısshi N. Djokovıch, akter S. Sıgal, TÚRKSOIDYŃ burynǵy Bas hatshysy D. Kaseınov marapatqa ıe bolǵan.
Bıylǵy jyly syılyqqa usynylǵan erekshe tulǵalar arasynda Qazaqstannyń daryndy ártisi Dımash Qudaıbergen de marapatqa ıe boldy.
Qordyń Dırektorlar keńesiniń pikirinshe, Dımashtyń aıryqsha vokaldyq derekteri, onyń klassıkalyq jáne zamanaýı stılde oryndaýdyń ártúrli nysandaryn biriktirýdiń keremet qabileti, kóp jyldyq jumys pen oqýdyń nátıjesi retinde kez kelgen notany oryndaýdyń biregeı múmkindikteri ártisti Qazaqstan mádenıetiniń jarqyn ókili, óz isiniń tabysty mamany retinde atap ótýge múmkindik beredi.
«Bizdiń Dırektorlar keńesi osyndaı mańyzdy ártis syılyqtyń izasharlarynyń, osy joldaǵy talanttardyń altyn serııasynyń jalǵasy bolýǵa laıyq ekendigimen biraýyzdan kelisedi, bul bizdiń dostas elderimiz arasyndaǵy qarym – qatynasty nyǵaıtady», – dep atap ótti Serbııadaǵy Qazaqstan Respýblıkasynyń qurmetti konsýly, aǵaıyndy Karıch qorynyń negizin qalaýshy Mılanka Karıch.
Serbııanyń ortalyq mádenı sharasy Serb mádenıeti men dástúrin aıqyndaıtyn mádenı mura nysany – Belgradtaǵy Ulttyq teatrda ótti.
Ulttyq teatrdyń keremet sahnasynda Dımash ár túrli kompozıııalar usyndy: qazaqtyń halyq áni «Samaltaý» jáne Igor Krýtoıdyń «Mademoiselle Hyde» shyǵarmasy, osylaısha óz shyǵarmashylyǵynyń ár túrli qyrlaryn kórsetti.
Dımash aǵaıyndy Karıch qorynyń quryltaıshylary men Dırektorlar keńesine ıarapatqa laıyq dep tanyǵany úshin alǵysyn bildirdi, halyqaralyq jobalardyń, sonyń ishinde óner salasyndaǵy elder arasyndaǵy dostyq pen ózara damýdy qoldaý múmkindikteri retindegi mańyzdy rólin atap ótti.
