Almatyda Óńirlik kásipkerler palatasynyń tóraǵasy Nursultan Shoqanov Irak Respýblıkasy Elshiliginiń ýaqytsha senimdi ókili Djaber Najm Abdýlla ál Temımımen kezdesti. Taraptar saýda-ekonomıkalyq saladaǵy yntymaqtastyq jáne iskerlik baılanys ornatý máselelerin talqylady.
Aıta keteıik, Iraktyń Qazaqstandaǵy elshiligi 2008 jyldyń 12 qazanynan bastap jumys isteıdi. Elder arasyndaǵy taýar aınalymy 2022 jyly 7,4 mln dollardy qurady. Delegaııa ókilderiniń aıtýynsha, Irak bıligi Irak naryǵyna qazaqstandyq kompanııalar men ınvestıııalardy tartýǵa qyzyǵýshylyq tanytýda.
QR Ulttyq ekonomıka mınıstrligi Statıstıka komıtetiniń derekterine sáıkes 2019 jyldyń sońyna qaraı Qazaqstan men Irak arasyndaǵy saýda kólemi 3 mln dollarǵa jýyq somany qurady. 2018 jyly bul kórsetkish 3,1 mln dollardy qurady jáne eksport kólemine qatysty boldy.
«Irak Qazaqstanmen kópjaqty yntymaqtastyq ornatýǵa umtylady jáne bizdiń halyqaralyq bastamalarymyzǵa qoldaý bildiredi. Bizdiń saýda palata sizdiń kásipkerler palatasymen yntymaqtastyq ornatqysy keledi», – dep atap ótti Djaber Najm Abdýllah ál Temımı.
Spıkerdiń aıtýynsha, Iraktyń Saýda-ónerkásip palatasy «Atameken» UKP sııaqty elimizdiń barlyq óńirlerinde de ókildigi bar.
Almaty qalasy kásipkerler palatasynyń tóraǵasy Nursultan Shoqanov óńirlik palata yntymaqtastyqqa daıyn ekenin aıtty.
«Kásipkerler palatasy yntymaqtastyq qurýǵa ashyq. Bizdiń basty mindetimiz – bıznesti jan-jaqty qoldaý, onyń múddesin qorǵaý. Árıne, ınvestorlarmen jumys isteý basym baǵyttardyń biri. Biz eki eldiń ekonomıkasyn damytýǵa yqpal etetin birlesken jobalardy iske asyrýdy talqylaýǵa daıynbyz», – dep atap ótti Nursultan Shoqanov.
Spıker Almaty qalasynyń ekonomıkalyq múmkindikteri týraly da aıtty. Ońtústik astanada saýda, qyzmet kórsetý, ónerkásippen qatar týrızm salasy qarqyndy damyp keledi.
«Jaqynda qala ákimdigi megapolısti damytýdyń 2040 jylǵa deıingi bas josparyn bekitti. Mamandardyń boljamyna sáıkes, qala halqy osy ýaqytqa deıin 3 mıllıon adamǵa deıin ósedi. Bul ınfraqurylym, turǵyn úı, kommerııalyq jáne áleýmettik nysandardyń qurylysyna úlken ınvestıııa salynatynyn bildiredi. Árıne, áleýmettik-ekonomıkalyq damý serpini bıznes úshin jańa múmkindikter ashady», – dep atap ótti Óńirlik kásipkerler palatasynyń basshysy.
Nursultan Shoqanov Almatyda birlesken jobalardy iske qosýǵa bolatyn birqatar erkin ekonomıkalyq aımaq jumys isteıtinin, Qytaı men Eýropanyń saýda joldaryna jaqsy qoljetimdilik damyǵanyn aıtty.
Kezdesý qorytyndysy boıynsha Taraptar Iraktyń saýda palatasy men «Atameken» Ulttyq kásipkerler palatasy arasyndaǵy yntymaqtastyqty egjeı-tegjeı talqylaýǵa kelisti.
Kezdesýge Almaty qalasy kásipkerler palatasynyń basshylyǵy, Irak Respýblıkasy elshiliginiń konsýly Álı Sálim Jasım Ál-Rýbaıı, Almaty qalasy ÓKP halyqaralyq yntymaqtastyqty damytý boıynsha jetekshi sarapshy Aınur Baspaqova qatysty.
