Memleket basshysy Qasym-Jomart Toqaev Astana qalasynyń ákimi Jeńis Qasymbekti qabyldady, dep habarlaıdy «Adyrna» tilshisi Aqordaǵa silteme jasap.
Prezıdentke elordanyń áleýmettik-ekonomıkalyq jáne ınfraqurylymdyq damýy týraly baıandaldy.
«Jeńis Qasymbek negizgi ekonomıkalyq kórsetkishter boıynsha oń dınamıka bar ekeni jóninde málimet berdi. Bıylǵy 10 aıdyń ishinde bir trıllıon teńgeden astam ınvestıııa tartylǵan. Jyl sońyna deıin jalpy somasy 87,7 mıllıard teńge bolatyn 25 ınvestıııalyq jobany, sonyń ishinde óńdeý ónerkásibi salasynda 14, bilim jáne medıınaǵa qatysty 7, logıstıka baǵytynda 4 jobany iske qosý josparlanyp otyr. Bul bastamalar 1,4 myń jumys ornyn ashýǵa múmkindik beredi»,—delingen habarlamada.
Qasym-Jomart Toqaevqa jylytý maýsymynyń barysy týraly da aıtyldy. Ákimniń sózinshe, bıyl kúzde «Ońtústik-Shyǵys» gaz jylý stanııasynyń, "Turan" gaz jylý stanııasynyń birinshi kezeńiniń jáne úshinshi JEO-nyń birinshi kezeńiniń qurylysy aıaqtaldy. Elordanyń tynys-tirshiligin qamtamasyz etetin bul nysandardyń qýaty – saǵatyna 1140 gıgakalorııa. Qala uzaq ýaqyttan beri alǵash ret bıylǵy jylytý maýsymynda jylý energııasyna degen suranysty artyǵymen qamtamasyz etetin boldy.
Prezıdent shahar basshysyna áleýmettik jáne ınjenerlik ınfraqurylymdy odan ári damytý jóninde birqatar tapsyrma berdi.
