Qaraǧandydaǧy Arnauly äleumettık qyzmet körsetu ortalyǧynda balalardyŋ jappai ulanu oqiǧasyn oblystyq prokuratura tergep tekserude, dep habarlaidy “Adyrna” portaly.
Qylmystyq ıs sanitarlyq normalardy būzu baby boiynşa tergelude.
«Qaraǧandy oblysynyŋ prokuraturasy «Arnauly äleumettık qyzmet körsetu ortalyǧynda» balalardyŋ ulanuy boiynşa Qylmystyq kodekstıŋ 304-babynyŋ 3-bölıgı «Sanitarlyq erejelerdı nemese gigienalyq normalardy būzu» boiynşa sotqa deiıngı tergeudı jürgızıp jatyr», - delıngen habarlamada.
Qylmystyq kodekstıŋ 304-babynyŋ 3-bölıgınde üş jylǧa deiıngı merzımge belgılı bır lauazymdardy atqaru nemese belgılı bır qyzmetpen ainalysu qūqyǧynan şektei otyryp, 5 jyldan 10 jylǧa deiın bas bostandyǧynan aiyru jazasy közdelgen. Būl aldyn alu şarasy, eger kınälınıŋ äreketı ekı nemese odan da köp adamnyŋ ölımıne äkep soqsa, taǧy qarastyrylady.
«Qazırgı uaqytta qylmystyq ıs boiynşa oqiǧanyŋ barlyq män-jaiyn jan-jaqty, tolyq jäne obektivtı tergeudı qamtamasyz etuge baǧyttalǧan qajettı tergeu äreketterı jürgızılude», - dep qosty Bas prokuratura.
Esterıŋızge sala keteiık, Qaraǧandydaǧy «Arnauly äleumettık qyzmet körsetu ortalyǧynda» balalardyŋ jappai ulanuyna sebep bolǧan zat därı-därmek tızımımen salystyrylyp tekserıldı, bıraq anyqtau mümkın bolmady. Būl turaly bır kün būryn Mäjılıs deputaty Ajar Saǧandyqova mälım ettı. Ol balalardyŋ belgısız zattan ulanǧanyn eske aldy. Qazır prokuratura balalardyŋ naqty neden zardap şekkenın anyqtap jatyr.
Aǧymdaǧy jyldyŋ tamyz aiynda atalmyş ortalyqtan 12 bala ulanyp, auruhanaǧa tüsken. Odan keiın bır bala qaitys boldy, keiınırek ortalyqtyŋ taǧy bır tärbielenuşısı auruhanada köz jūmdy.
Ūqsas jaŋalyqtar
