Sauda jäne integrasiia ministrı Arman Şaqqaliev elımızdıŋ basym bölıgınıŋ basqa uaqyt beldeuıne köşuı turaly pıkırımen bölıstı. Onyŋ paiymdauynşa, saǧattyq beldeudıŋ äserınen köptegen qazaqstandyqtar qaterlı ısıkke şaldyǧyp, öz-özıne qol jūmsaidy, dep habarlaidy "Adyrna" ūlttyq portaly.
«Ǧalymdar uaqyt beldeulerı adamǧa öte ülken äser etetının atap öttı, onyŋ ışınde suisid pen suisidtık ürdısterge qatysty mäsele de bar. Bügınde būl mäselege ekı oblysty – Şyǧys Qazaqstan oblysy men Almatyny alaŋdatyp otyrǧanyn jalpylap, aita alamyz. Qazır köbı: «Endı bır saǧatqa erte tūramyz ba? Endı jūmys uaqytymyz ūzara ma sonda» degen sūraqtar qoiuda, - dedı Arman Şaqqaliev ktk.kz portalyna.
Qazır eldı bırtūtas uaqyt beldeuıne köşıru jobasy qoǧamdyq talqylau satysynda. Qūjat qazırdıŋ özınde azamattardyŋ terıs reaksiiasyn tudyrdy. Bıraq, ministrdıŋ aituynşa, būl ūsynysqa qarsylyq bıldıruşıler öz ūstanymdaryn däleldei almaidy. Ministrlıktıŋ qolynda ǧalymdar men sarapşylardan qūralǧan tūtas komissiianyŋ qorytyndysy bar. Qazır Qazaqstanda ekı saǧattyq beldeu bar, onyŋ bırı elımızdıŋ batysynda. Ǧalymdar būl azamattardyŋ biologiialyq yrǧaǧy üşın eŋ dūrys ekenıne senımdı. Eldıŋ bırtūtas uaqyt beldeuıne köşuı 1 nauryzda jüzege asuy mümkın.
Vedomstvoaralyq jūmys tobynyŋ ökılderı būǧan deiın elordada ötken brifingte bıryŋǧai uaqyt beldeuıne köşu turaly şeşımdı jariialaǧan bolatyn.
Ūqsas jaŋalyqtar
