Depýtat Danııar Qasqaraýov birden úsh mınıstrlikke depýtattyq saýal joldap, eldegi ınternet-alaıaqtarǵa aldanǵandardyń muńyn aıtty, dep jazady "Adyrna" ulttyq portaly. Ol máseleni Ishki ister, ıfrlyq damý jáne Ádilet mınıstrlerine qarastyrýǵa shaqyrdy.
Qasqaraýov ınternet alaıaqtarǵa qansha jerden tosqaýyl qoıylǵanymen, olardyń aılasy asyp turǵanyn aıtty. Áli kúnge deıin ártúrli telegramm chattar arqyly qomaqty aqsha tabyńyz dep, talaı úıde otyrǵan analardy aldap kele jatqandardyń sany kún sanap ósip jatqanyn qosty ol.
"Ishki ister mınıstrligimen qylmystyq ister qozǵalady, biraq alaıaqtyń ózin tabý múmkin emes bolyp otyr. Sońǵy aqparattarǵa sáıkes toǵyz aıda elimizde 15 myń ınternet alaıaqtyq tirkelipti. Onyń ishinde, 3 myńnan astamy resmı bankterdiń atyn jamylyp azamattardy aldaǵan. Osy jerde naqty saýal týyndaıdy. Ózderiniń quryǵyna túsiretin alaıaqtar azamattardyń jeke derekterin, telefon nómirlerin qaıdan alady?! Olarǵa bul derekterdi kim beredi? Qansha jerden adamdardyń jeke derekterin zańmen qorǵap, onyń taralýyn shektesek te. Alaıaqtar toqtaıtyn emes. Jeke derekterdiń qupııalylyǵy eshkimde qupııa bolmaı tur" dedi ol.
Ol óziniń ómirinde bolǵan oqıǵadan mysal keltirdi:
"Bir ǵana mysal keltireıin. Máselen, jaqynda bir tanysym jeke kompanııasyn ashyp, qujattaryn Egov elektrondy Úkimeti arqyly tirketti. Bul proess eshkimniń qatysýynsyz, tek Portalda jasaldy. Degenmen, sol kúni oǵan úsh birdeı bankten qońyraý túsip, arnaıy eseptik shot ashyńyz degen usynys tústken. Al, ertesi kúni zańgerlik-býhgalterlik qyzmet kórsetetin jeke kompanııa ókilderi habarlasyp, óz qyzmetterin usynǵan. Eń soraqysy, endi jeke taksopark ókilderi tynymsyz habarlasyp kólik qyzmetin usynyp otyr eken. Bunyń bári nebári 2-3 kúnde oryn alǵan jaǵdaı" dep qosty májilismen.
Sondaı-aq, depýtat býhgalterlik kompanııalar men taksopark ókilderiniń qolyna túsken aqparat alaıaqtarda da joq degenge kepildik joqtyǵyna kúmán keltirdi.
