Qostanaida tandyr önımderı daiyndalatyn jerde gaz ballony jaryldy. Jalyn şamamen 20 şarşy metr aumaqty şarpydy, dep habarlaidy «Adyrna» tılşısı.
Tötenşe oqiǧa saǧat 18:49-da
Rabochaia köşesınde bolǧan.
«Gaz jarylǧanǧa deiın düŋgırşekte ekı adam – er adam men äiel bolǧan. Ekı qyzmetker de Özbekstan azamattary. Ört saǧat 19:16-da oqşaulanyp, 19:40-ta söndırıldı»,—dep tüsındırdı Tötenşe jaǧdailar departamentı.Qostanai oblystyq TJD basşysy Qairat Qasymnyŋ aituynşa, mekemede qauıpsızdık şaralary öreskel būzylǧan.
«Er adam men äiel tandyr peşın jaqqan. Sodan keiın olar suyq garajdan alty gaz ballonyn äkelıp, peşke süiep qoiǧan. Alǧaşqy gaz bollany jarylǧanda äiel jeŋıl küiık alǧan. Al er adam ony iterıp şyǧaryp, özı bölmede qalyp qoiǧan. Örttı söndıru kezınde taǧy ekeuı jarylǧan. Äiel qalalyq auruhanaǧa jetkızıldı. Jaqyn jerde ornalasqan ǧimarattar bülıngen joq, örtsöndıruşıler de zardap şekken joq»,—dedı ol.
Ūqsas jaŋalyqtar
