Jyl saıyn 16-jeltoqsanda qýanarymdy da bilmeımin, qýanbasymdy da bilmeımin. Táýelsizdik merekesi deımiz ǵoı. Óz basym bir túsiniksiz kúı keshemin. Qýanaıyn desem de birnárse jibermeı turady. Qýana almaımyn. Árıne, saıası turǵydan qýanasyń ǵoı. Alaıda qýanyshyńdy baıandy etetin halyqtyń turmystyq jaǵdaıy keri ketip barady. Qýanbaıyn desem, 260 jylǵa sozylǵan bodandyqtan soń qaıtaryp alǵan táýelsizdigimiz qymbat ekenin túsinemin. 1991 jyly 16-jeltoqsanda Joǵarǵy Keńestiń Táýelsizdik týraly konstıtýııalyq zań jobasy talqylanyp, ol qabyldanǵan sesssııasynan reportaj jarııalaǵanym esime túsedi. Eń úlken qýanysh sol kezde bolyp edi. Al qazir ondaı qýanysh joq!
Sonaý 90-shy jyldary bılik «Qazaqstan tabysynyń 93 paıyzyn Máskeý alyp jatyr» deýshi edi. Qazir bári ózimizde emes pe?! Altyn, kúmis, platına, munaı men gazdyń ústinde otyryp halqymyz nege júdeıdi? Bizdi kim tonap jatyr?
Buǵan toqtaý bola ma joq pa?
Qaradan qarap turyp nalısyń. Qanatyn keńge jaıǵan korrýpııadan shoshısyń. Ol aqparat kózderinde aıtylatyn biren-saran fakt emes, ol búkil aǵzaǵa tarap, memlekettik júıeni shiritip tur. Ekonomıka, aýyl sharýashylyǵy, bilim berý, medıına, jol qurylysy qaı salany alańyz da memleket múddesine tyrysyp jatqandar kemde kem. Aqsaqty tyńdaı, ótirikti shyndaı kórsetetin Nazarbaev bılikten ketkenimen nazarbaev rejımi qaz qalpynda. Sonda qaıtip kógeremiz?
Túbegeıli reformalar júzege asý úshin bizge otarsyzdandyrý da, sovetsizdendirý de, lıýstraııa da aýadaı qajet bolyp tur. Toqaev bıligi solardy júzege asyrýǵa qajetti kúsh-jiger taba alar ma eken?
Bir biletinimiz, Qazaqstandaǵy turaqtylyqtyń tutqasy da, bıliktiń bastaýy da halyqtyń qolynda ǵoı. Alla taǵalam syrttan kezengen jaýdan, ishtegi daýdan saqtasyn! Túnergen táýelsizdikten araıly azattyqqa tezirek jeteıik!
Marat Baidildauly
