Işkı saiasattyŋ ūlttyq namystan jūrdai bır jandaişap nökerı Kremldı şoşytyp, şorşytyp almaiyq degen dalbasa dolbarmen Janbolat Şaizadany jazalau kerek dep, prokuraturaǧa ym qaǧady (AP jaqtan söz estıp qalmaiyn dep, perestrahovka jasaǧan türı);
Prokuraturadaǧy paryqsyz oryndauşy qalalyq polisiiaǧa Janbolatty ūstap äkelıŋder dep komanda beredı (erteŋ el ne deidı, qazaq qoǧamy tolqyp ketedı-au degen oi topas miyna kırmeidı);
Qazaqi ūlttyq qasietın karera üşın aiyrbastap jıberuge jandärmen bolǧan polisiia bastyǧy Janbolatty ūstap äkeluge ekı serjantty jūmsaidy (ızdestırıp jatyrmyz, qaladan syrtqa şyǧyp ketıptı dep, beikünä jıgıttı qūtqaryp qaluǧa qam qylarlyq qasietten jūrdai);
Ekı serjant Janbolatty dedektetıp, äkımşılık sotqa alyp keledı (üiınde joq eken, ızdep taba almai jürmız dep aita almaidy - syilyqtan qaǧyluy mümkın);
Saiasatqa saldaqy bolǧan sot (sot emes - mot) Janbolatty bes künge qamauǧa qauly şyǧarady (şyǧarmasam, özım şyǧarylam degen qorqynyş ūlttyq namysyn taptap tastaǧan)!
Mıne, halqynyŋ memlekettık namysyn qoǧap, ūlttyq mınez körsetken jıgıttı jazalauǧa qatysqandar - tegıs qazaqtar! Osyny ūlttyq topastyq demeske laj bar ma?!
Bärın qoialyqşy, jandaişap jantyqtar bılgen boǧyn jesın! Bıraq Janbolat Şaizadaǧa jasalǧan osy qiiamet qiianattan keiın ūlttyq patriotizm turaly, qazaqi qasiettı qorǧauǧa qatysty azamattyq paryzdyŋ porşa-porşasy şyqpai ma?! Janbolatty ozbyrlarǧa jyǧyp bergen mynau soraqylyqty körgen qai qazaqtyŋ balasy erteŋ el namysy üşın janqiiarlyqqa bara alady?!
Qūdai-au, öz ūltynyŋ namysyn özeuregen özgeden qorǧai almaityn, qorǧaǧandy - qor qylatyn, bas kötergendı abaqtyǧa aidaityn mūndai masqaralyq qazaqtan basqa qai elde bar eken?!
Ermūrat Bapi
Ūqsas jaŋalyqtar
