Depýtattar elordanyń eltańbasy men týyn ózgertýge usynys jasady. Túzetý jobasy Open NLA portalynda jarııalandy, dep habarlaıdy “Adyrna” ulttyq portaly.
«Astana qalasynyń Eltańbasy – kógildir fonda altyn tústes «Báıterek» jáne «Shańyraq» eki sımvoly beınelengen sheńber. «Báıterek» tańbasynyń negizinde «Qusqanaty» oıý-órnegi, onyń tómengi bóliginde stıldendirilgen «N» árpi, «Qusqanaty» oıý-órnegi jáne «N» árpi altyn tústi. «Shańyraq» tańbasynyń jáne Qusqanaty oıýynyń syrtqy jıekteri jasyl tústi jıektelgen. Syrtqy saqınanyń jıeginde qyzyl tústi fonda sol jáne oń jaǵynda altyn tústes «Bórikóz» oıýy bar. Eltańbanyń tómengi bóliginde altyn túste qyzyl túspen «ASTANA» degen jazý bar. «ASTANA» sóziniń sol jáne oń jaǵynda úsh sımmetrııaly syzyq – altyn tústeri bar» delingen jobada.
Astana qalasynyń týy sıpattaý boıynsha bylaısha kórinedi: «Astana qalasynyń týy eni men uzyndyǵy 1:2 qatynasynda Astana qalasynyń Eltańbasy beınelengen tik buryshty kók tústi panel bolyp tabylady. Ortasynda altyn tústi kún sáýleleri barlyq jaqqa taraıdy».
Elorda máslıhaty 2019 jyly mamyrda bekitilgen Nur-Sultannyń rámizderin sıpattamaǵa sáıkes keletin jańa rámizderge aýystyrýdy usynady.
”Adyrna” ulttyq portaly
