Búgin táýelsizdik jolynda kúresken alash azamaty Mustafa Shoqaıdyń qaıtys bolǵan kúni, dep habarlaıdy "Adyrna" tilshisi.
Qoǵam qaıratkeri túrki dúnıesiniń birigýi ıdesyn ustanyp, táýelsizdik úshin kúresken tarıhı tulǵa. Mustafa Shoqaı:
"Ulttyq rýhsyz ult táýelsizdigi bolýy múmkin be? Tarıh ondaıdy kórgen joq ta, bilmeıdi de. Ult azattyǵy – ulttyq rýhtyń nátıjesi. Al ulttyq rýhtyń ózi ult azattyǵy men táýelsizdigi aıasynda ósip-damıdy, jemis beredi", - degen edi.
Mustafa Shoqaı 1941 jyldyń nemis lagerlerindegi túrkistandyqtarǵa kómekke kelgen edi. Ol 1941 jyldyń tamyz-qarasha aılarynda tutqyndardy óz maqsat-múddelerine oraı paıdalanýdy kózdegen nemis komandovanıesiniń tapsyrmasymen, qajetti maǵlumattardy jınaý úshin konlagerlerdi aralaıdy.
Alaıda Mustafa Shoqaı kenetten qaıtys bolady. Ony 1941 jyly Berlındegi Vıktorııa aýrýhanasyna aýyr hálde jetkizildi. Sol jyldyń 27 jeltoqsanynda eshkimge túsiniksiz, jumbaq jaǵdaıda kóz jumdy.
Medıınalyq saraptama qorytyndysyna sáıkes Shoqaı qandaǵy bórtpe súzeginiń asqynýynan qaıtys bolǵany aıtylady. Al bul dertti qaıratker konlagerlerdi aralap júrip juqtyrýy múmkin dep boljaǵan.
Biraq qaıratkerdiń jary, opera ánshisi Marııa Gorına kúıeýiniń bul dertpen Túrkistanda júrip jazylǵanyn, tipti oǵan qarsy turatyn kúsh-qýaty baryn aıtqan-dy.
Túrkistan úshin ot keshken qaıratker Mustafa Shoqaı Berlındegi túrikterdiń zıratynda jerlengen.
