Astana halyqaralyq äuejaiynda 2500-den astam jolauşy öz reisın kütude. Būl turaly 30 jeltoqsan künı keşke Kölık ministrlıgınıŋ baspasöz qyzmetı mälımdedı, dep habarlaidy «Adyrna» ūlttyq portaly.
Elorda äuejaiynda 30 jeltoqsan künı saǧat 15:00-den 00:00-ge deiın 29 reistı oryndau josparlanǧan bolatyn. Alaida elordadaǧy aua raiyna bailanysty 21 reis keşıktırılıp, segız reis keiınge şegerıldı. Osyǧan bailanysty Kölık ministrı Marat Qarabaev jedel ştab qūrdy. Qazır jedel ştab pen äue kompaniialarynyŋ ökılderı tüsındırme jūmystaryn jürgızıp, özektı sūraqtarǧa jauap berude. Reisın kütken jolauşylarǧa Terminals Astana Airport Management basşylyǧy ekı myŋnan astam ystyq tamaq pen susyndar taratty. Jolauşylar arasynda eresekterden bölek balalar da bar. Merekelık köŋıl-küi üşın Aiaz ata men Aqşaqar olarmen oiyn oinaidy, jaŋa jyldyq syilyqtardy taratady. Sonymen qatar elordalyq ärtıster jolauşylarǧa öner körsetedı. Baspasöz qyzmetınıŋ aituynşa, öz ūşaqtaryn kütken jolauşylar aua raiyna bailanysty tuyndaǧan «uaqytşa qolaisyzdyqtarǧa tüsınıstıkpen qaraǧanyn». Sondai-aq olar «qajettı kömek körsetken mamandarǧa alǧystaryn bıldıredı». Elordalyq aerodromdaǧy aua raiy älı de ūşyp-qonuǧa qolaisyz. Sonyŋ saldarynan äue kompaniialary reisterdı keiınge şegerıp, keiınge qaldyruǧa şeşım qabyldady.«Adyrna» ūlttyq portaly
Ūqsas jaŋalyqtar
