Memleket basshysy pravoslavıe din ókilderin Rojdestvomen quttyqtady, dep habarlaıdy "Adyrna" ulttyq portaly.
Qasym-Jomart Toqaev Qazaqstandaǵy pravoslavıe din ókilderin Rojdestvo merekesimen quttyqtap, merekeniń mańyzyn aıtty.
“Qurmetti otandastar! Qazaqstannyń barsha pravoslavıe hrıstıandaryn Rojdestvo merekesimen quttyqtaımyn! Bul meıramda joǵary adamgershilik qasıetter keńinen dáripteledi, izgilik pen ádildikti ornyqtyra túsýge basa mán beriledi. Rojdestvo adamzatty jasampaz ári meıirimdi bolýǵa, jaqyndaryna qamqorlyq tanytýǵa jáne muqtaj adamdarǵa qol ushyn sozýǵa úndeıdi, osy dinge senetin jandarǵa úmit pen qýanysh syılaıdy”, – dedi Toqaev óz quttyqtaýynda.
Sonymen qatar Prezıdent ózge dinniń el birligin nyǵaıtýda eleýli orny bar ekenin atap ótti.
“Pravoslavıe elimizdiń dáıekti damýyna qajetti basty sharttyń biri – jalpyulttyq birligimizdi nyǵaıtýǵa da yqpal etedi. Pravoslavıeni ustanatyn azamattarymyz Ádiletti Qazaqstandy qurýǵa jáne eńbekqorlyqqa, bilimpazdyqqa, otanshyldyqqa, tilektestikke, ózara jaýapkershilikke negizdelgen jańa qoǵamdyq etıkany qalyptastyrýǵa eleýli úles qosady dep senemin”, – dedi memleket basshysy.
