Abaidyŋ memlekettık qoryq-mūrajaiy ǧylymi saparymen Tatarstanda bolyp qaitty. Ǧylymi-zertteu jūmysy barysynda N.İ.Lobochavskii atyndaǧy Qazan memlekettık universitetı kıtaphanasynan Abai Qūnanbaevtyŋ şyǧarmaşylyǧy men qoǧamdyq qyzmetıne qatysty bırqatar basylymdar tabyldy.
Zertteudegı basty olja 1885 jyly Qaramola jerındegı sezde qabyldanǧan arab tılındegı "Qarapaiym qazaqtarǧa arnalǧan Kodeks" Bırınşı qūqyqtyq qūjattyŋ tüpnūsqasy boldy.
- Osy kezdesude Abaidy sezd töraǧasy etıp sailaidy, - dedı mūrajai direktorynyŋ orynbasary Meiramgül Qairambaeva. – Üş kün ışınde zaŋǧa bailanysty maqalalar jazdy. Qūjat 1885 jyly mamyrda qabyldanyp, bır jyl ötken soŋ Qazan qalasyndaǧy İmperator universitetınıŋ baspahanasynda şyǧaryldy.
Mamandardyŋ aituynşa zaŋ qūrastyru kezınde aqyn sol kezdegı adamdardyŋ ömırın jeŋıldetu üşın är türlı jaŋalyqtardy ūsynǧan demokrat retınde söz söiledı.
Qazaqstan mūraǧattary men kıtaphanalarynda osy qūjattyŋ tüpnūsqasy joq. Mūrajai qorynda 1959 jyly jasalǧan kirillisadaǧy maşinkamen basylǧan köşırme ǧana saqtalǧan. Tabylǧan qūjat faksimildı nūsqany basyp şyǧaruǧa jäne osy bıregei zaŋdy tereŋırek zertteuge mümkındık beredı.
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz