Mańǵystaýda qyrylǵan aqqý sany 1018-ge jetti. Bul týraly Mańǵystaý ákimdiginiń baspasózi málimdedi, dep habarlaıdy “Adyrna” ulttyq portaly.
“Mańǵystaýda aqqýlardyń qyrylýyna qus tumaýy sebep bolǵan. Ornıtologtar men jergilikti mamandardan quralǵan jumys toby osyndaı qorytyndyǵa keldi. Zerthanalyq zertteýlerdiń nátıjeleri men aqqýlardan basqa qustardyń zardap shekpeýi buǵan dálel”, - deıdi mamandar.
Búginde qyrylǵan aqqý sany - 1018-ge jetti. Onyń 40 shaqtysy Qaraqııa aýdanyndaǵy teńiz jaǵalaýynan, qalǵandary «Qarakól» kólinen tabylǵan. Jalpy aımaqta sońǵy sanaqqa sáıkes, 50 myń aqqý qystap jatyr. Sonyń 2 paıyzy ólgen. Óńirde úı qustarynyń arasynda qus tumaýy tirkelgen joq. Dese de, qosalqy sharýashylyqtardaǵy úı qustaryna monıtorıng jalǵasyp jatyr.
