ماڭعىستاۋدا قىرىلعان اققۋ سانى 1018-گە جەتتى. بۇل تۋرالى ماڭعىستاۋ اكىمدىگىنىڭ ءباسپاسوزى مالىمدەدى، دەپ حابارلايدى “ادىرنا” ۇلتتىق پورتالى.
“ماڭعىستاۋدا اققۋلاردىڭ قىرىلۋىنا قۇس تۇماۋى سەبەپ بولعان. ورنيتولوگتار مەن جەرگىلىكتى مامانداردان قۇرالعان جۇمىس توبى وسىنداي قورىتىندىعا كەلدى. زەرتحانالىق زەرتتەۋلەردىڭ ناتيجەلەرى مەن اققۋلاردان باسقا قۇستاردىڭ زارداپ شەكپەۋى بۇعان دالەل”، - دەيدى ماماندار.
بۇگىندە قىرىلعان اققۋ سانى - 1018-گە جەتتى. ونىڭ 40 شاقتىسى قاراقيا اۋدانىنداعى تەڭىز جاعالاۋىنان، قالعاندارى «قاراكول» كولىنەن تابىلعان. جالپى ايماقتا سوڭعى ساناققا سايكەس، 50 مىڭ اققۋ قىستاپ جاتىر. سونىڭ 2 پايىزى ولگەن. وڭىردە ءۇي قۇستارىنىڭ اراسىندا قۇس تۇماۋى تىركەلگەن جوق. دەسە دە، قوسالقى شارۋاشىلىقتارداعى ءۇي قۇستارىنا مونيتورينگ جالعاسىپ جاتىر.
