ماڭعىستاۋدا "قازترانسويل" كومپانياسىنىڭ ءورت سوندىرۋشىلەر جۇمىسقا شىعۋدان باس تارتقان، دەپ حابارلايدى "ادىرنا" ءتىلشىسى Lada.kz-كە سىلتەپ.
قىزمەتكەرلەر بەينە حابارلاما جازدى. قۇتقارۋشىلار اقتاۋ، جاڭاوزەن، جەتىباي، قاراجانباس جانە قالامقاستاعى جۇمىستاردى توقتاتقانىن مالىمدەدى.
ومىرزاق اۋىلىنىڭ ءورت سوندىرۋشىلەرى دە ەرەۋىلگە شىعىپ، جۇمىسقا شىعۋدان باس تارتقان. قىزمەتكەرلەرلىڭ ەرەۋىلگە شىعۋ سەبەبى - جالاقى ماسەلەسى.
ءورت سوندىرۋشىلەردىڭ ايتۋىنشا، اي سايىنعى جالاقى 130-دان 150 مىڭ تەڭگە. ءورت سوندىرۋشىلەر كۇن سايىن جۇمىس بارىسىندا كەزدەسەتىن قاۋىپ-قاتەرلەر مەن تاۋەكەلدەرگە باراتىنىن ايتىپ، ايلىقتى كوتەرۋدى سۇرايدى. ەرەۋىلشىلەر جالاقىنى 350 مىڭ تەڭگەگە دەيىن كوتەرۋدى تالاپ ەتىپ وتىر.
