Deputat memlekettık ataqty satyp aluǧa bolatynyn aityp, qorlyqqa teŋedı, dep habarlaidy "Adyrna" tılşısı.
"Amanat" partiiasy fraksiiasynyŋ müşesı Amanjol Ältai Tamara Düisenovaǧa ūlttyq simvologiia ortalyǧyn qūru turaly deputattyq saual joldady.
Mäjılısmen memlekettık rämızderdı tereŋ tanu men qadırleu kerektıgın aityp, ündeu jasady.
“Memlekettık rämızder – täuelsız elımızdıŋ beinesın tanytatyn simvoldyq män-maǧynaǧa ie qasterlı ūǧym. Bıraq memlekettık nagradalardyŋ atauyn, keibır elementterın qaitalaityn tüsınıksız ūiymdardyŋ män-maǧynasy joq orden-medaldary, jalǧan ataqtary jauynnan keiıngı saŋyrauqūlaqtai qaptap ketkenı şyn", – dedı deputat Amanjol Ältai.Deputattyŋ aituynşa memlekettık ataqtardy satyp aluǧa bolady. Alaida mūndai äreketter eldıkke syn ekenın aitady.
"Osy rette, ädılettı keleşekke qadam basqymyz kelse, satylatyn mänsız marapattardan qoǧamdy saqtandyru maŋyzdy. Memlekettık rämızderımızdı retsız qoldanyp, jalǧan ataqtar men qūnsyz sölkebailardy satyp paida tapqyş pysyqailardyŋ äreketterıne qūqyqtyq negızde tiym salu kerek. Būl bır. Ekınşıden, rämızder mäselesınde älı de oilastyrudy, ortaq şeşımge keludı qajet etetın tüitkılder bar. Bızdegı tüitkılderdıŋ bır ūşy atauǧa bailanysty. Geraldika – gerbter men olardy qoldanu dästürlerın ǧana zertteitın arnaiy tarihi pän. Iаǧni geraldikanyŋ nysany – tek qana gerbter. Al, rämıztanu - būdan keŋ auqymdaǧy zertteulerdı qajet etetın sala. Sondyqtan būl jūmystarmen ainalysatyn mekemenı «Geraldikalyq zertteu ortalyǧy» dep emes, «Ūlttyq rämıztanu ortalyǧy» dep atalǧany jön. Öitkenı, rämıztanu nysanynda memlekettık rämızdermen qatar, ertedegı simvoldyq taŋbalardan bastap, oiu-örnekter tılıne deiın qamtylady jäne olardyŋ rämızdık män-maǧynalary aşylady. Rämızder mäselesın öz elınıŋ tarihymen sabaqtastyra qarastyru älemnıŋ Japoniia, Fransiia siiaqty damyǧan elderınıŋ täjıribesınde bar. Osyǧan orai, bızdıŋ rämıztanu arnaiy ǧylym retınde qalyptasatyn uaqyt keldı", - deidı Mäjılısmen.Deputat Amanjol Ältai öz saualyna zaŋnamada belgılengen merzım ışınde jazbaşa jauap kütetının aitty.
- Memleket basşysy Qasym - Jomart Kemelūlynyŋ Ūlttyq qūryltaida aitqan tapsyrmasynan nätije şyǧaryp, aimaqtar men qalalardyŋ taŋbasyn älemdık standarttar negızınde bıryŋǧai ülgıge ikemdep äzırleu jäne bekıtu tärtıbın retke keltırgen jön.
- Qazırgı Geraldikalyq zertteu ortalyǧynyŋ atauyn «Ūlttyq rämıztanu ortalyǧy» dep özgertu mäselesı qarastyrylsyn.
- Rämızderdı ǧylymi tūrǧyda zerttep, jüieleu ısıne rämıztanuşylarmen qatar, tarih, arheologiia, etnografiia salalarynyŋ mamandaryn da keŋınen tartu qajet.
- Memlekettık rämızder arqyly qoǧamda patriottyq sezımdı ornyqtyru üşın balabaqşadan bastap, mektep, kolledj, JOO-da rämıztanu boiynşa arnauly tärbielık ıs-şaralar josparly türde jüielı ötuge tiıs.
- Memlekettık rämızderdıŋ elementterın, memlekettık nagradalardyŋ jäne ataqtardyŋ atauyn qaitalalaityn äreketterge qūqyqtyq tosqauyl qoiu kerek.
Ūqsas jaŋalyqtar
