Jetisý oblysynda jolaýshylar avtobýsy órtenip ketti. Bul týraly oblystyq tótenshe jaǵdaılar departamentiniń baspasóz qyzmeti aıtty, dep habarlaıdy «Adyrna» tilshisi.
«16 aqpan kúni saǵat 10:38-de Jetisý oblysy TJD kezekshi bólimine Kóksý aýdany Balpyq bı aýylynda jolaýshylar avtobýsynyń janǵany týraly habarlama kelip tústi. Bul jerge Jetisý oblysy TJD kúshteri men quraldary dereý jiberildi.
Oqıǵa ornyna kelgen soń, jolaýshylar avtobýsynyń ashyq janýy oryn alǵany anyqtaldy. Órt 10:58-de óshirildi. Qurbandar men zardap shekkender joq. Órttiń sebebi anyqtalýda»,—delingen habarlamada.
Aıta keteıik, tilsiz jaýdy sóndirýge Jetisý oblysy TJD 5 qyzmetkeri men 1 tehnıka jumyldyryldy.
