Dúnıejúzilik bank 2012-2022 jyldardy Qazaqstan úshin «joǵalǵan onjyldyq» dep atady

2385
Adyrna.kz Telegram

Dúnıejúzilik bank (DB) sarapshylary Qazaqstan úshin 2012-2022 jyldar «joǵalǵan onjyldyq» dep atady, dep habarlaıdy “Adyrna” ulttyq portaly QazTag-qa siltep.

«2000-2007 jyldary ortasha alǵanda jylyna 4,5%-ǵa aıtarlyqtaı óskennen keıin jalpy faktor ónimdiliginiń ósimi 2012-2022 jyldary jylyna 0,9%-ǵa deıin tómendedi… Negizinde bul Qazaqstan úshin «joǵalǵan onjyldyq» boldy», - delingen Dúnıejúzilik banktiń «Qazaqstan ekonomıkasy – 2023-2024 jylǵy qys» baıandamasynda.

Qujatqa sáıkes, Qazaqstan ónimdiliktiń tómendigi men ekonomıkanyń qurylymdyq álsizdigi saldarynan baıaý ósýdi kórsetip otyr.

Eń aıqyn kemshilik – 2007 jylǵa deıin orta eseppen JIÓ-niń 26%-dan sońǵy onjyldyqta 23%-ǵa deıin tómendegen kúrdeli salymdar. Qazaqstan Dúnıejúzilik banktiń málimetteri boıynsha ǵylymı-zertteý jáne tájirıbelik-konstrýktorlyq jumystarǵa (ǴZTKJ) azyraq qarajat bóledi – bul ortashadan joǵary tabysy bar elderdiń ortasha deńgeıinen de az. 2008-2009 jyldardaǵy bank daǵdarysy kompanııalardy nesıelendirý aǵynyn buzdy.

«Naqty mánde bıznesti nesıeleý qory 2022 jyly 2007 jylǵy deńgeıden shamamen 35%-ǵa tómen boldy», - delingen baıandamada.

Pikirler