Oqu-aǧartu ministrı Ǧani Beisembaev bılım salasyndaǧy jemqorlyqqa qatysty pıkır bıldırdı, dep habarlaidy "Adyrna" ūlttyq portaly.
Ükımet otyrysynan keiın jurnalister ministrge «Soŋǧy kezderı Almaty nemese Türkıstan oblystandaǧy bılım basqarmasy nemese bılım bölımınıŋ basşylary jüzdegen million teŋgenıŋ jemqorlyǧy boiynşa ūstalyp jatyr. Tıptı olardyŋ ışınde öz özıne qol jūmsaǧan adamdar bar. Osy dünie sızdı alaŋdatpai ma? Bılım salasyndaǧy jemqorlyq balalarǧa sapaly bılım beruge kedergı keltırmei me? Būl mäselede özıŋızdı aiyptymyn dep eseptemeisız be?» dep sūraq qoidy.
"Jalpy sızge belgılı oqu-aǧartu menen jemqorlyq säikes kelmeitın ūǧymdar. Sondyqtan da byltyr bız sybailas jemqorlyq agenttıgımen bırlese otyryp osy saldaǧy mäselelerdı tolyqqandy zertteuge kırıstık. Sol baǧytta jol kartasy äzırlendı, men bırneşe ret mektep jäne bılım basqarmasy men bılım bölımınıŋ basşylarymenen köptegen kezdesu, seminarlar ötkızdık. Sondyqtan da qazır köp anyqtalyp jatqan jaǧdailar iaǧni, 2020 jyldan bastap jıberılgen qatelıkter şyǧyp jatyr. Būl bızdıŋ bırlesken jūmysymyz. Jalpy būl salada jemqorlyq atymen bolmauy tiıs, tazalyq boluy kerek. Sondyqtan būl baǧytta bız barlyǧymyz bırlesken jūmys jasauymyz kerek", – dedı ministr.
Ashat Aimaǧambetov 2019 jyldyŋ 13 mausym künı Bılım jäne ǧylymi ministrı bolyp taǧaiyndaldy. Demek Ǧani Beisembaev «2020 jyldan bastap jıberılgen qatelıkter şyǧyp jatyr» dep Ashat Aimaǧambetovty aiyptaǧandai boldy.
Ūqsas jaŋalyqtar
