Áleýmettik jelilerde Mańǵystaý oblysyndaǵy birqatar kásiporyndardyń qyzmetkerlerin aldaý jáne zorlyq-zombylyq qaýpimen ereýilderge qatysýdy jalǵastyrýǵa májbúrleý týraly aqparat taratylýda, dep habarlaıdy "Adyrna" ulttyq portaly Mańǵystaý Oblysynyń Polıııa Departamentine silteme jasaı otyryp.
Polıııanyń aıtýynsha, mundaı jaǵdaı “West Oil Software” JShS ujymynda oryn alýda, al sot qyzmetkerlerdiń ereýili zańsyz dep tanydy.
Jalpy sany 100-den astam adamǵa jetken “West Oil Software” JShS-niń jekelegen jumysshylary zańsyz ereýilge qatysýdan bas tartyp, ózderiniń eńbek mindetterine kiristi. Alaıda, olar ereýil belsendileriniń tarapynan qysym kórýde.
Mundaı áreketterge jol berilmeıdi. Atalǵan derek boıynsha egjeı-tegjeıli tekserý júrgiziledi.
Búgingi tańda oblystyq polıııa departamenti zańsyz ereýilge qatysýdy jalǵastyrýǵa shaqyrý faktileri boıynsha QK-niń 402-baby 2-bóligi boıynsha sotqa deıingi tergeý amaldaryn júrgizýde.
Olarǵa qatysy bar adamdardyń kórsetilgen quqyqqa qaıshy áreketterine quqyqtyq baǵa osy qylmystyq isti sotqa deıingi tergep-tekserý sheńberinde beriletin bolady.
Polıııa qyzmetkerleri azamattardy zorlyq-zombylyq, qysym jáne aldaý qaýpi faktileri boıynsha ishki ister organdaryna júginýge jáne arandatýshylyqqa berilmeýge shaqyrady.
"Adyrna" ulttyq portaly
