Kópbalaly analar mereke qarsańynda birjolǵy tólem alady, dep habarlaıdy "Adyrna" tilshisi.
Biraq bul Qazaqstannyń barlyq óńirin qamtymaıdy.
Qaraǵandy, Temirtaý, Prıozersk, Osakarov jáne Shet aýdandarynda merekege oraı tórt jáne odan da kóp balasy bar analarǵa jáne «Altyn alqa» jáne «Kúmis alqa» alqalarymen marapattalǵandarǵa arnaıy aqsha aýdarylmaq.
Balqashta kópbalaly analar, Qurmetti azamattar, tyl eńbekkerleri, UOS qatysýshylaryna teńestirilgen adamdar, eńbek ardagerleri, belsendi emes tyl eńbekkerleri, múgedek balalar, belsendi emes jalǵyz turatyn áıelder, qaıtys bolǵan UOS ardagerleriniń áıelderine tólem aýdarylmaq.
Al oblystaǵy Abaı aýdany men Buqar jyraý aýdandarynda HÁOT, az qamtylǵan, kópbalaly otbasylarǵa, múgedekterge, zeınetkerlerge, túrli saladaǵy qyzmetkerlerge, "Altyn alqa", "Kúmis alqa" ıelerine bólinedi.
Aqtoǵaı aýdanynda tórt jáne odan da kóp balasy bar kóp balaly analarǵa, «Altyn alqa» jáne «Kúmis alqa» alqalarymen marapattalǵan kóp balaly analarǵa, az qamtylǵandarǵa, múgedekterge, zeınetker-áıelderge qarjy beriledi.
Nura aýdanynda az qamtylǵan, kópbalaly analar, jastar birjolǵy qoldaý alady.
