Asa qurmetti Prezıdent myrza!
Eltańba men nasybaı máselelerinen buryn, on myńdaǵan qazaqtyń qyrylýyna sebep bolǵan, masqara jaǵdaıdaǵy joldarǵa nazar aýdaryńyz !
Bir adamnyń jalpy densaýlyǵy, júrip-turyp, durys kúnkórisi úshin ol adamnyń qan tamyrlary júıesiniń qalypty qyzmeti qanshama mańyzdy bolsa, bir memlekettiń ekonomıkalyq turǵydan alǵa basyp, damýy, turǵyndarynyń aldynǵy qatarly memleketterdiń azamattary sııaqty oıdaǵydaı qaýipsiz rahat, beıbit ómir keshýleri úshin ol memlekettiń qan tamyrlary júıesi bolyp sanalatyn jol júıesiniń de halyqtyń barsha qajettilikterine jaýap bere alatyn jaǵdaıda bolýy shart.
Qazaqstanda joldardyń táýelsizdik alǵannan beri áli kúnge deıin jalǵasyp kele jatqan masqara jaǵdaıy Qazaq Eliniń tek ǵana asa iri kólemde orny tolmas ekonomıkalyq, materıaldyq shyǵyndarǵa ushyraýyna sebep bolmady.
Ókinishke oraı, Qazaq Eli Qudaı bergen tabıǵı baılyqtary nátıjesinde álemniń eń baı memleketteriniń biri bola tura, joldary táýelsizdik alǵaly beri, qazirge deıin jaýapty oryndarda bolǵan ult satqyny, teksiz, arsyz, namyssyz jemqorlardyń kesirinen oıdaǵydaı damymaı, adamnyń júregin aýyrtatyndaı masqara jaǵdaıda qalyp qoıdy.
Ókinishke oraı sońǵy 30 jylda Qazaqstanda jol apatynan 83 myńnan astam Qazaǵymyz, baýyrlarymyz qaza tapqan. Ásirese sizdiń tusyńyzda, atap aıtqanda sońǵy 3 jylda jol-kólik apattarynyń sany, jyl saıyn 6 paıyzǵa ósip otyrǵan.
Sondyqtan eltańba men nasybaı máselelerinen buryn Qazaq Eliniń soryna, ulttyq tragedııaǵa aınalǵan jol máselesine basa nazar aýdarsańyz durys bolar edi !!!
Sonymen qatar onsyzda sory bes eli Jezqazǵan óńiriniń ákimi, aımaqtaǵy joldyń keshegi kúngi masqara jaǵdaıy áshkere bolǵan soń, tıttáı de uıaty bolsa óz erkimen ornyn bosatýy kerek dep oılaımyn.
Ómirhan Altyn
