«NAÝRYZNAMA» onkúndigi aıasynda «Ulttyq kıim kúnine» oraı «Nevzorovtar otbasy» beıneleý óneri mýzeıi alańynda «Oblystyq mádenıet jáne halyqtyq shyǵarmashylyq ortalyǵy» uıymdastyrýymen «ULTTYQ STYLE» sán kórsetilimi ótkizildi.
Is-sharanyń basty maqsaty – ulttyq kıimdi nasıhattaý jáne árbir qazaqstandyqty óz mádenıeti men ulttyq biregeıligin saqtap ozyq dástúrlerimizdi qazirgi zamanǵa jalǵaýǵa úıretý bolyp tabylady.
- Búgingi is-shara bárimizge belgili elimizdegi bıyl bekigen naýryznama tujyrymdamasy aıasynda ótýde. Bul jerde tek ulttyq kıim ǵana emes qalamyzdaǵy qol óner sheberleriniń áshekeı buıymdary jáne óz qoldarymen jasaǵan basqa da buıymdar kórsetiledi, - dedi Oblystyq mádenıet jáne halyq shyǵarmashylyǵy ortalyǵynyń dırektory Erlan Sultanov.
Abaı oblysy boıynsha shyǵarmashylyq, estetıkalyq jáne sán damýynyń ozyq mektebi retinde sanalatyn «BRILLIANT MODELS» mektebiniń negizin qalaýshylarymen birlesip, úsh negizgi «Rýna», «Qulynshaq», «Janna Baımuratova» sán kórsetilimderi usynyldy.
Sonymen qatar, is-shara barysynda Ámire Qashaýbaev atyndaǵy memlekettik fılarmonııasynyń ánshileri Jazıra Ázilqııashova, Ádilet Serikov, Aıgýl Karımova qazaqtyń ulttyq aspaptarynda oınap óz ónerlerin kórsetti.
