Ulystyń uly kúni – Áz Naýryz meıramy qarsańynda Qazaqstannyń Slovakııadaǵy elshiliginde tegin qazaq tili kýrstary men qazaq ádebıeti kitaphanasy ashyldy. Bul týraly Syrtqy ister mınıstrliginiń baspasóz qyzmeti aıtty, dep habarlaıdy «Adyrna» tilshisi.
«Sabaqtardy aptasyna eki ret bilikti mamandar – qazaq tili muǵalimi Jazıra Baıjumanova men fılolog Sultan Qamalıden júrgizedi. Qazaq tilin úırengisi keletinderdiń barlyǵyna yńǵaıly bolý úshin kýrstar eki topqa bólinedi – slovak jáne orys tilderinde oqytatyn toptar. Sabaqqa jeke qatysa almaıtyndar úshin sabaqtardyń onlaın translıaııasy uıymdastyrylady. Qazaqstanda shyqqan qazaq tili oqýlyqtaryn elshilik qamtamasyz etedi»,—delingen habarlamada.
Al Qazaqstannyń tarıhy men mádenıetimen tanysqysy keletinder úshin Qazaqstannyń Slovakııadaǵy elshiligi janynan qazaq ádebıetiniń kitaphanasy ashyldy. Kitaphana qorynda hakim Abaı, Maǵjan Jumabaı, Muhtar Áýezov, Ilııas Esenberlın, Ábdijámil Nurpeıisov jáne basqa da qalamger klassıkterdiń qazaq, slovak, cheh, orys jáne aǵylshyn tilderindegi kitaptarynyń mol jınaǵy bar. Kitaphana demalys kúnderin qospaǵanda, kún saıyn saǵat 9:00-den 15:00-ge deıin ashyq.
