Aqtöbe oblysyndaǧy tügeldei suǧa ketken Bersiev auylynda qalǧan 250 adam tıkūşaqpen evakuasiialandy, dep habarlaidy "Adyrna" ūlttyq portaly Qorǧanys ministrlıgınıŋ baspasöz qyzmetıne sıltep.
«29 nauryzda Qazaqstan Respublikasy Qaruly Küşterı Äue qorǧanysy küşterınıŋ Mi-8 tıkūşaǧynyŋ ekipajy maior J.O.Bekbäulievtıŋ basqaruymen su tasqynynda tötenşe jaǧdaida qalǧan adamdardy qūtqaru boiynşa evakuasiialau şaralaryna qatysty. Aqtöbe oblysy Oiyl audany Bersiev auylyndaǧy aimaqtyŋ adamdary tasymaldandy», - dep habarlady Qorǧanys ministrlıgı.
Būǧan deiın BAQ-ta Bersiev auylyndaǧy mekteptı evakuasiialau punktınde 250-ge juyq adam jatqany habarlanǧan bolatyn. Tūrǧyndardyŋ aituynşa, tıkūşaq bırneşe uaqyt qonatyn jer tappai, qaita ūşyp ketken.
Qorǧanys ministrlıgınen bızge habarlaǧandai, mektep ainalasy şynymen de suǧa tolyp, qonuǧa mümkındık bolmaǧan. Oryn taŋdap alǧan brigada mektep ǧimaratynan 600-800 metr jerge tūraqtady. Sondai-aq ol jerde basqa ǧimarattyŋ töbesınde 15-ten astam adam jatqany jäne olardyŋ ömırıne bırden qauıp tönıp tūrǧany turaly aqparat tüsken.
«Ekipaj komandirı aldymen ǧimarattyŋ töbesınde bırden qauıp töngen adamdardy qūtqarudy şeştı. Ǧimarattyŋ üstınde 1 metr biıktıkte köterılgen barlyq
adamdar aman-esen qūtqaryldy. Sol kezde qalǧan janar-jaǧarmaidy esepke alyp, tıkūşaq qūtqarylǧan adamdardy Aqtöbege jetkızıp, janarmai qūiyp, auylǧa qaita ūşty», - dep tüsındırdı departamenttegıler.
Belsendıler Bersiev auylyndaǧy jaitqa bailanysty dabyl qaǧuda. Olar eşqandai daiyndyqtyŋ joǧyn aityp, kömekke ketken qoǧam belsendılerınen atalmyş auyldy nazarsyz qaldyrmaudy sūrauda.
Ūqsas jaŋalyqtar
"Aqtöbe oblysyndaǧy Ş. Bersiev auyly tügel suǧa kettı. Auyldaǧy 1200 adamdy mektepke äkelıp ornalastyrǧan. Bıraq bırınşı qabaty malmandai bolǧan bılım oşaǧynyŋ qabyrǧalary qaq aiyrylyp, şytynap jatyr eken. Janyn şüberekke tüigen jūrt ekınşı qabatynda qysylysyp jatyr. Elu jyl būryn salynǧan eskı mektep ylǧalǧa şydamai qūlasa, bır auyldyŋ halqy tügel qyrylady. Qūdai saqtasyn mūndaidan. Bıraq bır aptadan berı bolyp jatqan tasqynǧa tük daiyndyq joq. Ne tamaq ne jatyn oryn ne qūtqaruşy ne qaiyq joq. Keibır tūrǧyndar şatyrda qalǧan. Auylda tıkūşaq qonatyn qūrǧaq jer joq. Oiyldyŋ halqyna şūǧyl kömek kerek. Bersievke de baryŋyz" dep jazdy belsendı Dias Nūraqyn.