Jelıde jasöspırım qyzdyŋ aiausyz soqqyǧa jyǧylǧany tüsırılgen video tarady, dep habarlaidy «Adyrna» tılşısı otyrar.kz-ke sılteme jasap.
Beinejazbadan kelınşektıŋ jasöspırımge pyşaq ala ūmtylǧanyn köruge bolady. Al qorǧanuǧa tyrysqan qyz jan dauysymen aiqaiǧa basyp, jylai bastaidy. Jasöspırım soqqydan qaşyp qūtyluǧa tyrysqan, alaida nätije bolmaǧan. Būdan özge äiel ony jeŋıl jeidesınen ūstap, jūdyryqpen ūra bastaidy.
Jaǧa ūstatarlyq jaǧdai üidegı beinebaqylau kamerasyna tüsıp qalǧan. Videony redaksiiaǧa joldaǧan derekközdıŋ mälımetınşe, oqiǧa 30 nauryzda Şymkent qalasyndaǧy «Nūrsat» şaǧyn audanynda bolǧan. Aituynşa, būl päterde mūndai janjaldar jiı oryn alady.
«Anasy tuǧan qyzyna pyşaq ala jügırdı. Men olardyŋ körşısımın. Olar jaqynda köşıp kelgen. Kelınşektıŋ būdan özge ekı nemese üş kışkentai balasy bar. Naqty sanyn bılmeimın. Olarǧa kömektesıŋızderşı», – dep jazdy anonimdı derekköz.
Qalalyq polisiia departamentı atalǧan faktı boiynşa 31 nauryzda qylmystyq ıs qozǧalǧanyn mälımdedı. Videodaǧy jasöspırım äieldıŋ bırınşı nekeden tuǧan qyzy. Ol qazırgı uaqytta äkesınıŋ qamqorlyǧynda.
Kelınşektıŋ qyzyna mūnşalyqty qatygezdık tanytuyna ne sebep bolǧany belgısız. Qazırgı taŋda sotqa deiıngı tergeu jūmystary jürıp jatyr.
«Polisiia qyzmetkerlerı beinejazbada körsetılgen tūlǧalardy anyqtady. Atalǧan faktı boiynşa 2024 jyldyŋ 31 nauryzynda qylmystyq ıs qozǧaldy. Tergeu şaralary jürgızılude. Saraptama taǧaiyndaldy. Būl ıs Şymkent qalalyq PB bastyǧynyŋ baqylauynda», – dedı polisiia departamentı.
