Ónerkásip jáne qurylys vıe-mınıstri Tımýr Qaraǵoıshın qyzmetinen bosatyldy, dep habarlaıdy "Adyrna" tilshisi.
Qazaqstan Respýblıkasy Úkimetiniń qaýlysymen Tımýr Jıenbaıuly Qaraǵoıshın zeınetkerlik jasqa tolýyna baılanysty ónerkásip jáne qurylys vıe-mınıstri qyzmetinen bosatyldy.
Ol 1961 jyly Batys Qazaqstan oblysynda dúnıege kelgen. Almaty sáýlet-qurylys ınstıtýtyn, Tehnologııa, qurylys, baǵalaý jáne sapany basqarý ýnıversıtetin támamdaǵan.
Tımýr Jıenbaıuly eńbek jolyn 1978 jyly bastaǵan. Keıinnen 1985-1991 jyldary – jyljymaly mehanıkalandyrylǵan kolonnalardyń sheberi, proraby.
1991-1994 jyldary – «Sáýlet» Fýrmanov shaǵyn kásiporny, Oral oblystyq atqarý komıtetiniń sáýlet jáne qurylys komıtetiniń sharýashylyq eseptegi jobalaý-óndiristik sáýlet-josparlaý bıýrosynyń dırektory, 1994-1996 jyldary – BQO Jalpaqtal aýdandyq ákimshiligi basshysynyń orynbasary, al 1996-2001 jyldary – «Oralavtojol» qazynalyq kásipornynyń bas mamany, dırektordyń jol qory boıynsha orynbasary qyzmetterin atqardy.
2001-2002 jyldary – QR Ekonomıka jáne saýda mınıstrligi Qurylys isteri komıtetiniń Batys Qazaqstan oblystyq ortalyǵynyń dırektory, 2002-2005 jyldary – BQO boıynsha Sáýlet-qurylysty baqylaý, ınspekııalaý jáne lıenzııalaý basqarmasy basshysynyń m. a., basshysy, dırektordyń orynbasary; Indýstrııa, saýda jáne shaǵyn bıznesti qoldaý departamentiniń dırektory.
2005-2007 jyldary – Oral qalasy ákiminiń orynbasary, 2007-2008 jyldary – «Qazaqstan Temir Joly» UK» AQ fılıalynyń dırektory, jobalaý jáne kúrdeli qurylys dırekııasy.
2008 jylǵy qazan-qarasha aralyǵynda – BQO ákiminiń keńesshisi bolsa, 2009-2010 jyldary kommerııalyq uıymdy basqardy.
2011 j. qańtar-shilde aralyǵynda – L.N. Gýmılev atyndaǵy Eýrazııa ulttyq ýnıversıteti rektorynyń keńesshisi.
2011-2013 jyldary – Aqmola oblysy boıynsha Memlekettik sáýlet-qurylys baqylaý jáne lıenzııalaý departamentiniń dırektory.
2013 jylǵy sáýir-qarasha aralyǵynda – QR Óńirlik damý mınıstrliginiń Qurylys jáne turǵyn úı-kommýnaldyq sharýashylyq isteri komıtetiniń Qurylystaǵy smetalyq normalar basqarmasynyń basshysy, al 2013-2016 jyldary – «Memsaraptama» RMK bas dırektorynyń birinshi orynbasary, bas dırektorynyń mindetin atqardy.
2016-2021 jyldary «Memsaraptama» ShJQ RMK bas dırektory qyzmetin atqarǵan.
2023 jylǵy sáýirden bastap qazirgi ýaqytqa deıin QR Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıtetiniń tóraǵasy – QR bas memlekettik qurylys ınspektory qyzmetin atqardy.
Eske sala keteıik, jyl basynda vıe-mınıstr májilis depýtattarymen sózge kelgen. Janjal jańa Qurylys kodeksiniń jobasyn talqylaý kezinde týyndaǵan edi.
Al vıe-mınıstrdiń uly Rýstam Qaraǵoıshın 9 aqpan kúni «Báıterek» holdınginiń basshysy bolyp taǵaıyndalǵan. Ol 2023 jyly ol Forbes nusqasy boıynsha Qazaqstannyń eń yqpaldy 50 bıznesmeniniń qataryna kirgen edi.
