Aqmola oblysyndaǧy Atbasar qalasyn su basty

Aqmola oblysyndaǧy Jabai özenınde su deŋgeiı kürt köterılıp, Atbasar qalasyna su kırdı. Osyǧan orai qala äkımı Amanbek Kaljanov öŋırde Tötenşe jaǧdai jariialap, halyqqa ündeu joldady, dep habarlaidy ”Adyrna” ūlttyq portaly.  Bügın taŋǧy beske taiau topyraqtan jasalǧan damba 6 jerden būzylyp, qyzyl su yryq bermei ketken. Bırden qalada dabyl jüiesı ıske qosyldy. 7 uaqytşa ornalasu punktı ūiymdastyrylyp, su basqan üilerdıŋ tūrǧyndary evakuasiialanyp jatyr. Bırden audan äkımı halyqqa ündeu jasap, qauıptı aimaqtaǧy halyqty da jyldam köşuge şaqyrdy. Su soru jūmystaryna 400-den astam adam, 100 tehnika jūmyldyrylǧan. Jergılıktı deŋgeidegı tötenşe jaǧdai jariialandy. «Jabai özenındegı su deŋgeiınıŋ kürt köterıluıne bailanysty taŋǧy 4:43 şamasynda 6 jer uchaskesıne su jaiyldy. Saldarynan qalany su basty. Su deŋgeiı qauıptı 5.95 metrge deiın köterıldı. Älı de köterılıp jatyr. Osyǧan bailanysty su basatyn aimaq tūrǧyndaryna qauıpsız oryndarǧa köşu ūsynylady», – dedı äkım. Äkım tūrǧyndarǧa arnaiy evakuasiialyq oryndar daiyndalǧanyn aitty. Sonymen bırge su tasqynynan zardap şekken halyqqa kömek berılıp, üilerı qalpyna keltırıletının jetkızdı. Öŋır äkımdıgınıŋ soŋǧy aqparatyna säikes su deŋgeiı 6,1 metrge deiın köterılgen. Qauıptı deŋgei 4,45 metrdı qūraidy. Aita keteiık, Atbasardy osymen üşınşı ret su basuda. Mūnyŋ aldynda qala 2014 jyly, 2017 jyly su astynda qalǧan. Özen jaǧalauy maŋynda ornalasqan 130-ǧa juyq üi suǧa ketken. 100-den astam adam evakuasiialanǧan. Kei tūrǧyndar üilerınen ketuge kelıspegen.