Qarjy monitoringı agenttıgı Qazaqstannyŋ üş öŋırınde selden qorǧaityn bögetter men su qoimalaryn salu jäne tiıstı jöndeu, özen arnalaryn keŋeitu jūmystaryn jürgızuge tiıs merdıgerlerge qatysty sotqa deiıngı tergeu amaldaryn bastady. Būl turaly vedomstvonyŋ baspasöz qyzmetı mälımdedı, dep habarlaidy “Adyrna” ūlttyq portaly.
Almatyda TJM "Qazseldenqorǧau" MM-men kelısımşartqa otyrǧan merdıger ūiymnyŋ direktory biudjet qarajatyn jymqyru deregı boiynşa küdıkke ılındı.
"JŞS "Aqsai özenınıŋ basseinınde seldı ūstaityn böget salu" jobasyn jüzege asyrǧan. JŞS-nyŋ jauapty tūlǧalary aldyn ala söz bailasu arqyly asa ırı kölemde biudjet qarajatyn jymqyrdy degen küdıkke ılındı. Zalal somasy aldyn ala esep boiynşa 775 mln teŋgeden asady", - dedı QR Qarjylyq monitoring agenttıgınıŋ resmi ökılı Älıbek Äbdılov OKQ alaŋynda ötken brifingte.
Al Aqtöbe oblysynda auyr zardaptarǧa äkep soqqan mındetterge nemqūraily qarau faktısı boiynşa "Magadjan" bögetın (su qoimasyn) senımgerlık basqaruǧa alǧan JŞS basşysyna
"Anyqtalǧandai, 2014 jyly būl böget balyq şaruaşylyǧyn jürgızu maqsatynda jeke kompaniiaǧa senımgerlık basqaruǧa berılgen. Alaida JŞS bögettı kütıp ūstau jäne qyzmet körsetu boiynşa öz mındetterın oryndamaǧan", - dedı spiker.
Sondai-aq, Ūlytau oblysynda da JŞS lauazymdy tūlǧalaryna qatysty sotqa deiıngı tergep-tekseru bastaldy. Atalǧan JŞS köktemgı su tasqyny kezınde jaqyn maŋdaǧy aumaqtardy şaiylyp ketuden qorǧau üşın ūzyndyǧy 2 şaqyrym Jezdı özenıne sanasiia jürgızu üşın jalpy somasy 485,5 mln teŋgege memlekettık mekememen şart jasasqan.
Alaida jobany ıske asyrudyŋ baqylau ölşemımen merdıger jalpy somasy 282,5 mln teŋgege joba boiynşa qūrylys-montajdau jūmystaryn naqty oryndamaǧany anyqtaldy. Sol kezde JŞS atyna oryndalǧan jūmystar aktılerıne säikes 400 mln teŋge audarylǧan. Saldarynan 26 üi su astynda qalyp, 174 adam evakuasiialandy. Sotqa deiıngı tergeu amaldary jalǧasuda.
