Atyraý oblysynda eki munaı-gaz kenishindegi tórt uńǵyma sý astynda qaldy, dep habarlaıdy “Adyrna” ulttyq portaly.
«Qazir Atyraý oblysynda 4 uńǵyma sý astynda qaldy: «Shyǵys Ýaz» ken ornynda, 3 uńǵyma: № 101, № 106, № 116 («Embimunaıgaz» AQ, «Qaınarmunaıgaz» MGÓB) - topyraqty toltyrý jumystary júrgizilýde. Bóget janyna tóselgen qum salynǵan qaptardy kóbeıtý, sondaı-aq NB-50 sorǵysymen Saǵyz ózenine sý aıdaý (tórt adam men eki birlik arnaıy tehnıka jumysyn jalǵastyrýda); Jańa Maqat ken ornynda 1 uńǵyma – № E7 («5A Oıl» JShS) – jaǵalaýlardy bógeý, qalpyna keltirý jumystary aıaqtaldy», - dep habarlady juma kúni TJM Ónerkásiptik qaýipsizdik komıtetiniń departamenti.
Vedomstvonyń habarlaýynsha, bul uńǵymalar ýaqytyly toqtan ajyratylyp, germetızaııalanǵan.
«Oblystyń qalǵan ken oryndaryndaǵy jaǵdaı turaqty jáne jiti baqylaýda», - delingen habarlamada.
Buǵan deıin, sáýirdiń 11-i kúni «Globýs» ortalyǵynyń dırektory Galına Chernova Premer-mınıstrdiń orynbasary Qanat Bozymbaevqa Atyraýdaǵy munaı-gaz jáne basqa da qaýipti nysandardy sý basý qaýpi baryn habarlaǵan bolatyn. Keıinnen Ekologııa jáne tabıǵı resýrstar mınıstrligi Atyraýdaǵy munaı-gaz jáne basqa da nysandarǵa sý tasqynynan qaýip tónip turǵan joq dep málimdegen edi.
