2022 jylǧy qaŋtar oqiǧasynda aiyptalǧan Qyrǧyzstan azamaty Vikram Ruzahunov öz ısı boiynşa jaŋa derekterdıŋ bar ekenın aitty, dep habarlaidy "Adyrna" tılşısı QazTag-qa sıltep.
Qyrǧyzstandyq muzykanttyŋ ısı QR Bas prokuraturasyna berılgen.
Onyŋ aituynşa, osy uaqytqa deiın polisiia qyzmetkerlerınıŋ törteuı ūstalyp, qamauǧa alynypty.
"Olardyŋ bırı azaptau men zorlyq-zombylyq faktısın moiyndady, ekınşısı “satylǧan” blogerler men jurnalisterdı jaldap, ötırık ädetıne basyp, tıptı balalary men anasyn alǧa tartyp, özın-özı örtep jıberemın dep qorqytuǧa tyrysady", - dedı ol.Vikram Ruzahunov tergeu jaŋa serpın ala bastaǧanyn jetkızdı.
"Bas prokuratura ıstı qisyndy türde aiaqtaitynyna sendırdı. Pagondy 4 qylmyskerdıŋ ūstaluy - tek bastamasy ǧana. Qalǧandary da köp ūzamai qūryqtalady. Eşkım jauapkerşılıkten qūtyla almaidy. Azaptauǧa, zorlyq-zombylyqqa jol joq. Äu bastaǧy talap azaptau jäne jalǧan aqparat taratu boiynşa resmi keşırım sūrau bolǧan edı. Endı ıste qosymşa dälelder paida boldy! Tergeu jalǧasuda", - dedı muzykant.Aita keteiık, būdan būryn Astana qalasynyŋ Almaty audandyq soty qyrǧyzstandyq muzykant Vikram Ruzahunovtyŋ Qazaqstan IIM atyna bergen ar-namysyn, qadır-qasietın jäne ıskerlık bedelın qorǧau turaly aryzyn qanaǧattandyrudan bas tartqan. Al Qyrǧyzstandyqtyŋ advokattary QR IIM-nen Ruzahunovtyŋ almatylyq poliseiler qysymymen aitylǧan aiǧaqtaryn, iaǧni Qazaqstanǧa 2022 jylǧy qaŋtardaǧy tärtıpsızdıkterge qatysu üşın kelgenı jönındegı jauaptaryn dūrys emes dep tanudy jäne muzykanttan köpşılık aldynda keşırım sūraudy talap etken bolatyn. 2022 jyldyŋ qaŋtar aiynyŋ basynda Qazaqstandaǧy jappai narazylyq kezınde Qyrǧyztan azamaty qolǧa tsüken. Ony qazaqstandyq qauıpsızdık küşterı ūstap alyp, aiausyz ūryp, memlekettık telearnalar arqyly körsetken. Artynşa Bışkek muzykanttyŋ ısı boiynşa Astanaǧa resmi nota joldady. Rezonans aiasynda qazaqstandyq bilık muzykantty bosatqan. Otanyna oralǧannan keiın ol azaptalǧanyn jäne özın aiypty retınde körsetuge mäjbür bolǧanyn mälımdedı.
Ūqsas jaŋalyqtar
