Qazaqstan prezıdenti Armenııa premer-mınıstrimen shaǵyn quramda kelissóz júrgizdi. Bul týraly Aqorda jarııalady, dep habarlaıdy “Adyrna” ulttyq portaly.
Qasym-Jomart Toqaev bul resmı saparyna erekshe mán beretinin jáne ony ekijaqty qarym-qatynastardy damytýdyń mańyzdy kezeńine jol ashatynyn atap ótti. Qazaqstan prezıdenti eki el arasyndaǵy baılanystardyń barlyq baǵyty boıynsha yntymaqtastyqty arttyrý úshin mol áleýet bar ekenin aıtty.
Nıkol Pashınıan ózara baılanystardyń qarqyndy damyp kele jatqanyna toqtalyp, armıan-qazaq qatynastaryn jańa deńgeıge kóterý úshin birlese áreket etýge daıyn ekenin málimdedi.
Kelissóz barysynda Qasym-Jomart Toqaev pen Nıkol Pashınıan saýda-ekonomıkalyq, kólik-tranzıttik, ınvestıııalyq, óńirlik jáne mádenı-gýmanıtarlyq yntymaqtastyq máselelerin talqylady. Taraptar óńirlik turaqtylyq jáne qaýipsizdik máselelerine aıryqsha nazar aýdardy.
Shaǵyn formatta ótken kelissóz sońynda Qasym-Jomart Toqaev pen Nıkol Pashınıan Qazaqstan men Armenııa arasyndaǵy kópqyrly baılanystardy odan ári nyǵaıtýǵa beıildi ekenin rastady.
Atap aıtqanda, Qazaqstan prezıdentiniń Erevanǵa resmı sapary aıasynda mynadaı qujattarǵa qol qoıyldy:
- Qazaqstan Úkimeti men Armenııa Úkimeti arasyndaǵy kóshi-qon salasyndaǵy yntymaqtastyq týraly kelisim;
- Qazaqstan Úkimeti men Armenııa Úkimeti arasyndaǵy azamattardyń saparlary men bolý tártibi týraly kelisim;
- 2006 jylǵy 6 qarashadaǵy Qazaqstan Úkimeti men Armenııa Úkimeti arasyndaǵy halyqaralyq avtomobıl qatynasy týraly kelisimge ózgerister men tolyqtyrýlar engizý týraly hattama;
- Qazaqstan men Armenııanyń avıaııalyq bıligi arasyndaǵy ózara túsinistik týraly memorandým;
- Qazaqstannyń Mańǵystaý oblysy ákiminiń apparaty men Armenııanyń Armavır oblysy ákimshiligi arasyndaǵy yntymaqtastyq týraly memorandým;
- Qazaqstannyń Shymkent qalasy men Armenııanyń Vanadzor qalasy arasyndaǵy yntymaqtastyq jáne baýyrlastyq qarym-qatynas ornatý týraly memorandým;
- Qazaqstannyń Týrızm jáne sport mınıstrligi men Armenııanyń Bilim, ǵylym, mádenıet jáne sport mınıstrligi arasyndaǵy 2024-2026 jyldarǵa arnalǵan yntymaqtastyq baǵdarlamasy;
- Qazaqstan Úkimeti men Armenııa Úkimeti arasyndaǵy saýda-ekonomıkalyq yntymaqtastyq jónindegi 2024-2025 jyldarǵa arnalǵan Jol kartasy;
- Qazaqstannyń ıfrlyq damý, ınnovaııalar jáne aeroǵarysh ónerkásibi mınıstrligi men Armenııanyń Joǵary tehnologııalyq ındýstrııa mınıstrligi arasyndaǵy aqparattyq kommýnıkaııalyq tehnologııalar salasyndaǵy yntymaqtastyq týraly ózara túsinistik týraly memorandým;
- Astana men Erevan arasyndaǵy baýyrlastyq qarym-qatynas ornatý týraly memorandým.
Aıta keteıik, búgin Qasym-Jomart Toqaev Armenııaǵa resmı saparmen bardy. Armenııanyń memlekettik rezıdenııasynda Erevanǵa resmı saparmen kelgen Qazaqstan prezıdentin saltanatty túrde qarsy alý rásimi ótti.
