Almatyda Tölebaev köşesındegı covettık Qazaqstan basşysy Dınmūhamed Qonaev tūrǧan üi satyluda degen aqparat tarady. Būl qanşalyqty şyndyqqa janasady? “Adyrna” ūlttyq portaly anyq-qanyǧyn bıldı.
krisha.kz portalynda Tölebaev köşesı 119 üidegı päterdı satu turaly habarlandyru paida boldy. 509 million 400 myŋ teŋgege baǧalanǧan 15 bölmelı päterdıŋ audany 566 şarşy metrdı qūraidy. Satylatyn mülıktıŋ jöndeudı qajet etetını atap ötılgen.
«Altyn şarşy. Tarihi jer. Jeke kıreberısı bar päter, 2 qabat, sonymen qatar jertöle, aulada jeke avtotūraǧy bar. Är qabatta juynatyn bölme bar. Jöndeudı qajet etedı. Būl aimaqtyŋ infraqūrylymy öte damyǧan. Jaqyn jerde opera teatry, subūrqaqtar, saiabaq alaŋdary, «Stolichnyi» dükenı, ärtürlı profildegı mektepter men gimnaziialar, bank filialdary, sondai-aq bos uaqytty ötkızuge arnalǧan köp oryndar bar. Baǧasyn kelısuge bolady», - delıngen jarnama mätınınde.
Sol ǧimaratta Dınmūhamed Qonaevtyŋ memorialdyq mūrajai-päterı ornalasqan. Mūnda ol 1969-1993 jyldar aralyǧynda ömır sürgen. Satylyp jatqan D.Qonaev tūrǧan päter emes. Būl jönınde mūrajaidyŋ baspasöz qyzmetı jauap berdı.
“Satylymǧa şyǧarylǧan päterler Tölebaev köşesı, 119 mekenjaidaǧy üidıŋ bırınşı kıreberısınde ornalasqan. Al, Qonaevtyŋ päterı (Qonaevtyŋ memorialdy muzeiı) osy üidıŋ ekınşı kıreberısınde ornalasqan. Qonaevtyŋ memorialdy muzeiı Almaty qalasynyŋ muzeiler bırlestıgı» memlekettık qazynalyq käsıpornynyŋ balansynda jäne megapolistegı keluşıler sany boiynşa aldyŋǧy qatardaǧy muzeilerdıŋ bırı bolyp tabylady»,- delıngen habarlamada.
«Jelıde muzei-päterdı satuǧa qatysty taralyp jatqan aqparat şyndyqqa janaspaidy. Qūrmettı BAQ ökılderı jäne jelı paidalanuşylary, tekserılmegen ärı jalǧan aqparatty jarysa jariialamaularyŋyzdy sūraimyz»,- dep qosqan muzeidıŋ baspasöz qyzmetı.
Aita keteiık, būl päterde 90-şy jyldary Qazaqstannyŋ tūŋǧyş prezidentı Nūrsūltan Nazarbaev ta tūrǧan. Būl turaly jurnalist Rasul Rysmambetov Facebook paraqşasynda atap öttı.
“Satylyp jatqan Qonaevtyŋ mūrajai-üiı emes. Bärı şatastyruda. Kezınde Qazaq KSR-ı men Qazaqstandaǧy eŋ maŋyzdy päter satyluda, bıraq ony satuǧa jäne jeke menşıkke beruge bolmaidy dep oilaimyn. Būl üide Dınmūhamed Ahmedūly Qonaev tūrǧan. Satylatyn päterde 90-şy jyldary Nūrsūltan Nazarbaev ta tūrǧan. Būl päter de, üiler de tarihi sipatqa ie. Endı oǧan Qasym-Jomart Kemelūlynyŋ atyna tırkelu kezegı kelgendei...”- dep jazdy Rasul Rysmambetov.
Üidı satuǧa arnalǧan habarlandyru avtory - «Alma-İnvest-Holding» JŞS. Kompaniiany Aleksandra Shai Iýrevna basqarady. Kompaniianyŋ qūryltaişylary turaly naqty mälımet joq.
Būdan bölek, Aleksandr Shaidyŋ atynda «AB Agro Invest» JŞS jäne «Darin Konstrakşn» JŞS kompaniialary bar. Shishkin_like Telegram arnasynyŋ habarlauynşa, alǧaşqy qūryltaişylar Dariǧa Nazarbaeva men onyŋ marqūm ūly Aisūltan Nazarbaev bolǧan.
Qazaqstannyŋ ılgerındı-keiındı basşylary paidalandy degen qymbat mülıkter turaly būdan būryn da aitylǧan. Būdan aldyn Dınmūhamed Qonaev qorynyŋ qyzmetkerlerı belgılı käsıpker Keŋes Raqyşevtyŋ Qazaqstan Kompartiiasy Ortalyq Komitetınıŋ bırınşı hatşysynyŋ kölıgın jekeşelendırıp alǧanyn jäne ony qaitaryp bermei otyrǧanyn mälımdegen.
Al Tūŋǧyş prezident Nūrsūltan Nazarbaevtyŋ alǧaşqy kölıgı delıngen Mercedes 600 SEL (Sonderschutz) GUARD B7 avtokölıgı satylymda jürgenın jariialaǧan edık. Atalǧan kölık älı satylmasa kerek, sait betınen jarnamasy älı alynbaǧan.
”Adyrna” ūlttyq portaly
