Tabiǧi apat kezınde su basqan eldı mekenderden 422 jüktı äiel evakuasiialanyp, 405 äiel aman-esen bosandy, dep habarlaidy “Adyrna” ūlttyq portaly kaz.inform.kz saityna sıltep.
Densaulyq saqtau ministrlıgınıŋ resmi ökılı Äigerım Orazalievanyŋ aituynşa, barlyq säbiler men analar patronajdyq qyzmetterdıŋ qamqorlyǧyna alynǧan.
Aituynşa, medisinalyq kömektıŋ barlyq türlerınıŋ qoljetımdılıgın qamtamasyz etu üşın jedel medisinalyq kömek qyzmetterınıŋ, stasionarlardyŋ qabyldau punktterınıŋ jūmysy küşeitıldı.
«Su tasqyny bastalǧaly evakuasiialyq punktterde barlyǧy 106 medisinalyq punkt aşyldy, onyŋ ışınde bügınde Aqtöbe, Batys Qazaqstan, Qostanai, Soltüstık Qazaqstan, Maŋǧystau, Atyrau oblystarynyŋ evakuasiialanǧan tūrǧyndary üşın 59 medisinalyq post jūmys ısteude. Medisinalyq jäne medisinalyq-psihologiialyq kömek körsetu üşın 2100 medisina qyzmetkerı, onyŋ ışınde 299 därıger, 90 psiholog tartyldy», - dedı Ä. Orazalieva Ortalyq kommunikasiialar qyzmetınde.
Evakopunktterde medisinalyq jäne medisinalyq-psihologiialyq kömek körsetuge 742 medisina qyzmetkerı, onyŋ ışınde 143 därıger, sondai-aq 69 psiholog tartyldy.
«Su tasqyny bastalǧannan berı su basqan aimaqtardan sozylmaly aurulary bar 1360-qa juyq adam evakuasiialandy. Olardyŋ ärqaisysy medisina qyzmetkerlerınıŋ baqylauynda, därı-därmektermen qajettı kölemde qamtamasyz etılude. Tasqynnan zardap şekken 2 myŋnan astam adamǧa psihologiialyq kömek körsetıldı», - degen Densaulyq saqtau ministrlıgınıŋ resmi ökılı Äigerım Orazalieva.
Säuırdıŋ 1-ınde Aqtöbe oblysynyŋ Yrǧyz audanyndaǧy su basqan Nūra auylynda äiel jüktılıktıŋ 36 aptasynda merzımınen būryn bosanǧany habarlanǧan. Sol kezde oblystyq densaulyq saqtau basqarmasynyŋ jıbergen akuşer - ginekolog, anesteziolog-reanimatologtan qūralǧan brigada tasqyn saldarynan mejelı jerge deiın bara almaǧan. Sonda auyl därıgerlerı anany öz betterınşe bosandyruyna tura kelgen. Sonda jergılıktı därıgerlık ambulatoriiaǧa jetkızılgen ana jalpy täjıribelık därıger men medbikenıŋ qatysuymen äiel sättı bosanǧan. Salmaǧy 2.8 kg jäne 3.50 kg bolatyn egız qyz düniege kelgen. Soŋynan anasy men närestelerı Qorǧanys ministrlıgınıŋ tıkūşaǧymen audan ortalyǧyndaǧy auruhanaǧa jetkızılgen.
Ūqsas jaŋalyqtar
