Bügın Astana sotynda äielın öltırdı dep aiyptalǧan eks-ministr Quandyq Bişımbaev pen onyŋ tuysy Baqytjan Baijanovqa qatysty sot prosesı jalǧasyp jatyr. Sot barysynda alqabilerge qoiylǧan sūraqtar belgılı boldy, dep habarlaidy “Adyrna” ūlttyq portaly.
Iske töraǧalyq etetın sudia Aijan Qūlbaeva 13 mamyrdaǧy sot otyrysynda ükım şyǧaru barysynda alqabiler keŋesu bölmesınde jauap beruı kerek sūraqtardy oqydy. Onyŋ ışınde, Bişımbaevqa qatysty QK 110-baby boiynşa qoiylǧan sūraqtar:
- 2022 jyldyŋ 16 jeltoqsanynan 2023 jyldyŋ 9 qaraşasyna deiın, 2022 jyldyŋ nauryz, säuır, qazanynda, sondai-aq 2023 jyldyŋ jazynda Astana jäne Almaty qalalarynda jäbırlenuşı Nükenovaǧa denesınıŋ türlı bölıgın jäne basynan ūru arqyly fizikalyq qysym jasalǧany, ar-namysyna tiiu arqyly moraldyq qysym jasalǧany däleldendı me?
- Būl ärekettı sottaluşy Bişımbaevtyŋ jasaǧany däleldendı me?
- Sottaluşy Bişımbaev būl ärekettı jasaǧanyna kınälı me?
- Jäbırlenuşı Nükenovanyŋ sottaluşy Bişımbaevpen bırge tūra bastaǧan uaqyttan bastap öz betınşe aqşa tabudy doǧaryp, oǧan materialdyq tūrǧyda täueldı boldy ma?
- 2023 jyldyŋ 9 qaraşasynda şamamen tüsten keiın Astanadaǧy Bau meiramhanasynda jäbırlenuşı Nükenova bas-mi jaraqaty saldarynan qaitys bolǧany däleldendı me?
- Būl jaraqat jäbırlenuşı Nükenovaǧa basyna bırneşe soqqyny sanaly türde jasau arqyly maqsatty türde öltırgenı däleldendı me?
- Būl ärekettı sottaluşy Bişımbaevtyŋ jasaǧany däleldendı me?
- Sottaluşy Bişımbaev būl ärekettı jasaǧanyna kınälı me?
- Sottaluşy Bişımbaevtyŋ jäbırlenuşı Nükenovany ūryp-soǧyp, oǧan su men ūiqy bermei qorlap, aiasusyz fizikalyq qysym jasau arqyly öltırgenı däleldendı me?
- Nükenova basynan alǧan jaraqat sanaly türde jasalǧany, onyŋ densaulyǧyna asa auyr ziian keltırgenı, sonyŋ saldarynan qaitys bolǧany däleldendı me? Sottaluşy Bişımbaevtyŋ būl ärekettı jasaǧany däleldendı me jäne sottaluşy Bişımbaev būl ärekettı jasaǧany üşın kınälı me?
Ūqsas jaŋalyqtar
