Bügın, 3 mausym Astanada äkımşılık sot jedel-järdem feldşerıne şabuyl jasaǧan adamdy jazalau turaly şeşım şyǧardy, dep habarlaidy “Adyrna” ūlttyq portaly.
Spirttı ışımdık ışken erkek järdem järdem qyzmetkerın qorqytyp, oǧan pyşaqpen şabuyldaǧan. Onysymen qoimai ūstalǧannan keiın uaqytşa ūstau izoliatorynyŋ edendenındegı taqtany syndyryp, äinegın şaqqan.
Būzaqy sotta özınıŋ kınäsın moiyndap, keşırım sūrady.
Sot qaulysymen astanalyq ūryp-soǧu faktısı boiynşa Äkımşılık qūqyq būzuşylyq jasaǧany üşın kınälı dep tanylyp , 10 täulık merzımge äkımşılık qamauǧa alyndy. Sondai-aq basqa bıreudıŋ mülkıne qasaqana ziian keltırgenı üşın taǧy
15 kün aldy. Būl osyndai qūqyq būzuşylyqtar üşın eŋ joǧary jaza, dep atap öttı Astananyŋ äkımşılık qūqyq būzuşylyqtar jönındegı mamandandyrylǧan audanaralyq soty.
Qaulylar zaŋdy küşıne engen joq.
Eske salaiyq, būǧan deiın jedel järdem qyzmetkerıne mas er adam şabuyldaǧanyn habarladyq. Otbasylyq janjaldan taiaq jegen äiel jedel järdem şaqyrǧan. Oqiǧa ornyna jedel järdem qyzmetkerı kelgen kezde er adam mas bolǧan. Ol medisina qyzmetkerlerın balaǧattaǧan. Pyşaqpen qorqytyp, bölmenı jauyp, tıptı feldşerge jūdyryq ala jügırgen. Medisina qyzmetkerlerı 102 şaqyrǧan.
Ūqsas jaŋalyqtar
