Biudjettıŋ jartysy Ūlttyq qordan alynyp otyr. Būl turaly Parlament palatalarynyŋ bırlesken otyrysynda Joǧary auditorlyq palata töraǧasy Älihan Smaiylov aitty, dep habarlaidy “Adyrna” ūlttyq portaly.
Sondai-aq, ol Ükımettıŋ biudjet qalyptastyru kezınde jıberetın kemşılıkterıne toqtaldy.
«Basty problema — biudjettıŋ tūraqty tapşylyǧy. Soŋǧy jyldary şyǧystar edäuır ösıp keledı. Būl rette mūnaiǧa qatysty emes kırıster şyǧystardyŋ 50%-ǧa juyǧyn qamtamasyz etıp otyr. Qalǧan bölıgı negızınen Ūlttyq qordyŋ transfertterı jäne qaryz tartu esebınen öteledı. Sondyqtan tapşylyqty ūstap tūru jetkılıksız. Ol üşın tapşylyǧy joq biudjettı qalyptastyratyn ūzaqmerzımdı jospar qajet», — dedı ol.
Sondai-aq, ol Ūlttyq qordy basqarudyŋ normativtık qūqyqtyq bazasy tūraqtandyru kerektıgın aitty.
«Olai bolmaǧan jaǧdaida Memleket basşysynyŋ Ūlttyq qordyŋ valiutalyq aktivterın 2030 jylǧa qarai 100 mlrd dollarǧa deiın ūlǧaitu jönındegı maqsatyna qol jetkızbeu täuekelı joǧary ekenın körıp otyrmyz. Qaryz alu qūralyn keŋınen qoldanu da boryş jüktemesınıŋ täuekelın arttyrady. Qazırdıŋ özınde boryşty öteu jäne qyzmet körsetu şyǧystary biudjettıŋ barlyq tüsımderınıŋ 17%-dan astamyn qūraidy», — dedı bas auditor.
Ūqsas jaŋalyqtar
