Sailaualdy nauqanda söz söilegen eks-prezidentke qastandyq jasaldy

3841
Adyrna.kz Telegram
https://adyrna.kz/content/uploads/2024/07/donald-tramp-atys.png
Pensilvaniia ştatynda sailaualdy nauqanda söz söilegen Donald Trampqa qastandyq jasaldy, dep habarlaidy "Adyrna" ūlttyq portaly. 14 şılde künı AQŞ-tyŋ būrynǧy prezidentı Donald Trampqa oq atyldy. Saiasatker söz söilegen mınbenıŋ artyna tyǧylyp, artynşa eks-prezidenttı oqqaǧarlary alyp kettı. Qastandyq saldarynan Tramptyŋ oŋ qūlaǧyna oq tiıp, jaraqat alǧan. Qazır Donald Tramptyŋ baspasöz hatşysy Stiven Chung onyŋ emdelıp jatqanyn habarlady. Şeteldık BAQ mälımetınşe, eks-prezidentke sailau aldynda qastandyq jasaǧan adam ūstalǧan. Ony AQŞ-tyŋ qūpiia qyzmetı öltırgen. Alaida sailau jiynda bolǧan atystan bır körermen qaza tauyp, ekeuı auyr jaralanǧan. Olar qazır auruhanada. 2024 jylǧy AQŞ prezidentınıŋ sailauyna eks-basşy kandidat retınde tırkelgen. Ol atystan keiın:
"Men Amerika Qūrama Ştattarynyŋ Qūpiialyq qyzmetıne jäne barlyq qūqyq qorǧau organdaryna Pensilvaniia ştatynyŋ Batler qalasynda bolǧan atys oqiǧasynda jedel äreket etkenı üşın alǧys bıldıremın. Qaza bolǧan adamnyŋ otbasyna jäne jaraqat alǧan adamnyŋ jaqyndaryna köŋıl aitamyn. Qastandyq ūiymdastyrǧan adam turaly äzırge habar joq. Oq oŋ qūlaǧymnyŋ üstın tesıp öttı. Qūdai Amerikany jarylqasyn!”, – dedı Tramp.
AQŞ-tyŋ qazırgı prezidentı Djo Baiden Trampqa qastandyq jasaldy degen aqparatqa özınıŋ H paraqşasynda jauap berdı.
"Onyŋ jaǧdaiy jaqsy ekenıne quanyştymyn. Oǧan jäne onyŋ otbasyna jäne nauqanǧa qatysqandardyŋ barlyǧy üşın dūǧa etemın. Ony aman alyp qalǧan Qūpiialyq qyzmetke alǧys aitamyz. Amerikada mūndai zorlyq-zombylyqqa oryn joq, bükıl halyq bırıguı kerek", – dep jazdy ol.
Pıkırler