20 şıldeden bastap elordada salauatty ömır saltyna nasihattaityn kezektı joba bastaldy, dep habarlady “Adyrna” ūlttyq portaly.
Senbı künı St.Regis qonaq üiınıŋ maŋyndaǧy saiabaqta Street Workout saiysy boiynşa Qazaqstannyŋ bırneşe dürkın chempiony İmran İbragimov şeberlık därısın ötkızdı. Sondai-aq jeksenbı künı sol jaǧalaudaǧy «Keruen» sauda üiınıŋ janynda Sky dance studiiasy samba, djaiv, pasadobl, rumba, cha-cha-cha bi türlerınen tūrǧyndardy bazalyq jattyǧuymen tanystyrdy.
Is-şara ūiymdastyruşysy Jämila Baidosovanyŋ aituynşa, 2 künge jalǧasqan şaraǧa myŋǧa juyq qala tūrǧyny qatysqan.
«Astana saiabaqtaryndaǧy sporttyq şaralar marafonynyŋ basty ideiasy – sport pen densaulyqty jaqsartu men nasihattaudy qamtidy. «Astana qozǧalysta» – būl belsendı ömır saltyn yntalandyruǧa jäne sport mädenietın damytuǧa baǧyttalǧan bastama. Şaralar qoǧamnyŋ türlı müddelerı
men adamdardyŋ jas erekşelıkterıne bailanysty taŋdaldy. Sondyqtan elımızdıŋ ärbır tūrǧyny özıne säikes keletın sport türın taŋdai alady, mysaly, ittermen bırge jügıru, biden şeberlık sabaqtary, stritbol turnirı, velojarys»,– dedı Jämila Baidosova.
İmran İbragimov mūndai sporttyq ıs-şaranyŋ jastar üşın maŋyzy zor ekenın aitty.
«Şyn mänınde būl öte qyzyqty ıs-şara. Sol sebeptı osynda kelgen azamattarǧa alǧysym şeksız. Sebebı bızdıŋ qalamyz ben elımızdıŋ taza boluyna bailanysty ūiymdastyrylyp jatqan «Taza Qazaqstan» aksiiasynyŋ maŋyzy erekşe. Osy igı ıs-şaranyŋ basy-qasynda bolǧan barşa azamattarǧa alǧysymdy aitamyn. Aksiiaǧa qatysqan är azamat elımızdıŋ ǧana taza boluyna emes, özınıŋ densaulyǧynyŋ jaqsy boluyna atsalysty dep esepteuge bolady», – dedı ol.

Ūqsas jaŋalyqtar


