Toqaev Şavkat Mirziioevtı «Altyn Qyran» ordenımen marapattady

Qasym-Jomart Toqaev Özbekstan Prezidentıne Qazaqstan Respublikasynyŋ eŋ joǧarǧy memlekettık nagradasy – «Altyn Qyran» ordenın tabys ettı. Būl turaly Aqorda jariialady, dep habarlaidy “Adyrna” ūlttyq portaly.  Memleket basşysy Qazaqstanda Şavkat Mirziioevtı Özbek elınıŋ naǧyz köşbasşysy, halyqaralyq deŋgeidegı saiasatker, ekı halyq arasyndaǧy dostyq pen yntymaqtastyqty nyǧaituǧa ölşeusız üles qosqan körnektı memleket qairatkerı retınde tanitynyn jäne qūrmetteitının aitty. “Egemen el retınde damu  jyldarynda ekı memleket arasynda jan-jaqty serıktestık pen strategiialyq odaqtastyq jolǧa qoiyldy. Berık şarttyq-qūqyqtyq baza qalyptasty. Şekarany tolyqtai şegendep aldyq. Özara senımdı saiasi dialogtyŋ arqasynda bız sauda-ekonomikalyq jäne mädeni-gumanitarlyq bailanystardy qarqyndy türde ılgerıletıp kelemız. Negızgı halyqaralyq qūrylymdar aiasynda tyǧyz yqpaldastyq ornattyq. Bır sözben aitqanda, qazırgı qazaq-özbek qatynastary ülgı etuge tūrarlyq ärı naǧyz bauyrlastyq deŋgeide”, – dedı Prezident. Şavkat Mirziioev özın Qazaqstannyŋ eŋ joǧarǧy memlekettık nagradasymen marapattaǧany üşın Qasym-Jomart Toqaev pen bauyrlas qazaq halqyna rizaşylyǧyn bıldırdı “Būl marapatty ekı halyq arasynda ǧasyrlar boiy jalǧasqan şynaiy dostyq jäne tatu körşılık qatynastardy arttyruǧa qosqan bırlesken küş-jıgerımızge berılgen laiyqty baǧa dep sanaimyn. Qazaqstan bızdıŋ eŋ jaqyn, senımdı ärı uaqyt synynan ötken serıktesımız”, – dedı Şavkat Mirziioev.