Tolassyz jauǧan jaŋbyrdan Astana köşelerın su basty

Ekı künnen berı tolassyz jauǧan jaŋbyr saldarynan Astana köşelerın su basty, - dep habarlaidy “Adyrna” ūlttyq portaly. “Qazgidromettıŋ mälımetınşe, Qazaqstan astanasynda ekı künde 48 millimetr jauyn-şaşyn tüstı. Negızı qazırgı uaqyttaǧy ailyq norma – 31 millimetr jauyn-şaşyndy qūraidy. Osylaişa, ekı täulıkte jauǧan jauyn-şaşyn mölşerı bır jarym ailyq normadan asyp tüstı”, dep tüsındırdı qala äkımdıgınıŋ baspasöz qyzmetı. Onyŋ aituynşa, barlyq kommunaldyq qyzmetter küşeitılgen rejimde jūmys ıstep jatyr. Bükıl qala boiynşa 200-den astam arnaiy tehnika jūmyldyrylǧan jäne olar su soru jūmystaryn jürgızude. Sonymen bırge, sinoptikterdıŋ boljauynşa, jauyn älı de bırneşe saǧatqa sozylady. «Kommunaldyq qyzmetter kollektorlar men jaŋbyr suy kıretın jerlerdı tazartu, bu şyǧaru qūbyrlary, su soru, nöser kärız jüielerı men tazartu qūrylystaryn salu boiynşa tūraqty jūmys jürgızude», - dep atap öttı äkımdıkte. Su tasqynyna bailanysty bırqatar köşelerde kölık qozǧalysy şekteldı: - Tūran daŋǧylynyŋ boiymen Kerei jäne Jänıbek handar köşelerımen Ūly Dala daŋǧylyna qarai; - Husein Ben Talal köşesınıŋ boiymen Ūly Dala daŋǧylyna qarai; - Ūly Dala daŋǧylynyŋ boiymen Qabanbai batyr daŋǧylynan jäne Aitmatov köşesınen; - Näjımedenova köşesı Täuelsızdık köşesınen Amanjolova köşesıne deiın. Qala bilıgı qala tūrǧyndary men qonaqtaryn mūndai qolaisyz aua raiy kezınde jolǧa şyqpauǧa şaqyrdy.