Äleumettık jelıdegı aqparatta "maniak paida boldy" degen aqparat tarady, dep habarlaidy "Adyrna" ūlttyq portaly YK-news.kz aqparat portalyna sılteme jasap.
Aqparat boiynşa "adam öltıruşı Öskemen qalasynda" dep körsetılgen.
Taraǧan aqparatta"soŋǧy künderı bırneşe adamnyŋ denesı tabyldy. Olardyŋ barlyǧy – äielder" dep körsetılgen. ŞQO polisiiasy aqparattyŋ jalǧan ekenın habarlap, tūrǧyndardy alaŋdamauǧa şaqyrdy.
Al el ışınde taraǧan būl aqparatqa Öskemendegı saiajailardyŋ bırınıŋ şetınen 45-50 jas aralyǧyndaǧy belgısız äieldıŋ mäiıtı tabylǧandyǧy sebep bolǧan.
"Taratylyp jatqan aqparat şyndyqqa janaspaidy. Halyqqa būqaralyq aqparat qūraldaryn nemese aqparattyq-kommunikasiialyq jelılerdı paidalana otyryp, körıneu jalǧan aqparat taratqany üşın jauapkerşılık qarastyrylǧandyǧyn eskertemız. Tek resmi aqparat közderıne senıŋızder", - dep habarlady ŞQO Polisiia departamentınen.
Ūqsas jaŋalyqtar
