Jambyl oblysynda mūǧalımderdıŋ aqşasyna şaqyrtyldy delıngen emşını qūrmetpen qarsy alǧan Tūrar Rysqūlov audany Tereŋözek auylyndaǧy mektepte arnaiy tekserıs jürgızıldı, - dep habarlaidy “Adyrna” ūlttyq portaly.
Tekseru jūmystaryn Jambyl oblysynyŋ Balalardyŋ qūqyqtaryn qorǧau jönındegı uäkılı men Jambyl oblysy äkımdıgınıŋ bılım sapasyn qamtamasyz etu departamentınıŋ qyzmetkerlerı jürgızdı.
Bılım, aqparat jäne äleumettık damu basqarmalarynyŋ qyzmetkerlerınen qūralǧan jūmys toby da tekseru jūmystaryna qatysty.
Tekseru qorytyndysy boiynşa Tūrar Rysqūlov audany äkımınıŋ orynbasary A.Terlıkbaev men Jambyl atyndaǧy mektep direktory E.Zäkımbaev öz ötınışterı boiynşa qyzmetınen bosatylǧan.
Tūrar Rysqūlov audandyq ışkı saiasat bölımınıŋ basşysy men Tereŋözek kentınıŋ äkımıne qataŋ sögıs türındegı tärtıptık jaza qoldanylǧan.
Eske salaiyq, būǧan deiın jelıde Tereŋözek auylyndaǧy orta mektepte ötken şaradan sändı köilek kiıp, täjge ūqsas bas kiım kigen äiel beinelengen video paida boldy. Ony mektepte kino jūldyzyndai qarsy alǧan: adamdar joldyŋ ekı jaǧyna tızılıp, al mektep oquşylary onyŋ köilegın köterıp jürgen. Basqa kadrlarda sol äieldıŋ synypqa qalai kırgenı jäne onyŋ aiaǧyna rauşan gülderın tastap jatqany körsetılgen.
Videoda Tomiris patşaiymynyŋ beinesın somdaǧan Gülsara Köpbaeva körsetılgenı atap ötıldı. Ol bır kezderı özı bıtırgen mektepke qaiyrymdylyq kömek körsetu üşın kelgen.
Qonaqty laiyqty qarsy alu üşın ūstazdardan tört myŋ teŋge jinalyp, tıptı emşınıŋ qūrmetıne konsert te ūiymdastyrylǧany aityldy.
Ūqsas jaŋalyqtar
