Qaraǧandy oblysynda mügedektıgı bar adamdar üşın jūmys oryndarynyŋ kvotasy ekı esege ūlǧaidy. Jūmyspen qamtudy qamtamasyz etude memlekettık qoldaudyŋ barlyq şaralary qoldanylady. Mysaly, öz ısın aşuǧa 61 grant berıldı.
– Bügınde mügedektıgı bar 1120 adam jūmyspen qamtuǧa järdemdesudıŋ barlyq şaralarymen qamtamasyz etıldı. Bos jūmys oryndaryna 358 adam jūmysqa ornalastyryldy. Äleumettık jūmys oryndaryna 15, qoǧamdyq jūmystarǧa – 290 adam joldandy. "Kümıs jas" jobasy boiynşa 106 adam jūmys tapty. Sondai-aq, "Bırınşı jūmys orny" jobasy, Jastar täjıribesı jobalary da kömektesedı, – dedı Jūmyspen qamtudy üilestıru jäne äleumettık baǧdarlamalar basqarmasynyŋ basşysy Äsem Jünıspekova apparattyq keŋeste.
Onyŋ aituynşa, biyl 89 käsıporynda bırınşı, ekınşı jäne üşınşı toptaǧy mügedekter üşın 219 jūmys ornyna kvota belgılengen. Sonymen qatar, jūmys beruşıler mügedektıktıŋ üşınşı tobyndaǧy estu qabıletı būzylǧan adamdar üşın 11 arnaiy jūmys orny qūryldy. Qaraǧandyda ekı jūmys ornyna taǧy bır ötınım qol qoiu satysynda.
Käsıpkerlık negızderıne oqytu "Bastau Biznes" jobasy boiynşa jürgızıledı. Biznes-jobalardy qorǧaǧannan keiın öz ısın aşuǧa grant aluǧa mümkındık bar.
Äsem Jünıspekova sättı mysaldar keltırdı.
Abai audanynyŋ Iаgodnoe auylynda tūratyn bırınşı toptaǧy mügedek Viktor Kolesnikov jūmyssyz otyrǧan, al qazır käsıpker. Öz jylyjaiynda ösırılgen kökönısterdı satady.
Anatolii Miasnikov granttyq qarajatqa lazerlık stanok pen qajettı qūral-jabdyqtar satyp aldy. İntererge arnalǧan panel jasaidy.
Mügedektıgı bar jäne olarǧa kütım jasaityn adamdar üşın Terrikon alqabynda sifrlyq käsıpterdı oqytu jobasy jalǧasuda.
Oblys äkımı Ermaǧanbet Bölekpaev jūmyspen qamtudy qoldaudyŋ barlyq şaralary turaly halyqqa köbırek aitudy tapsyrdy.
– Mügedek adamdardy jūmysqa ornalastyru boiynşa bırqatar şaralar jüzege asyryldy. Jūmystar jürgızılude, bıraq odan da köp jūmys ısteu kerek, – dedı ol.
Qaraǧandy oblysynda mügedektıgı bar 55 myŋǧa juyq adam tūrady, olardyŋ jartysyna juyǧy eŋbekke jaramdy. Jūmysşylar – 11 myŋǧa juyq.
