Qasym-Jomart Toqaev Prezident ortalyǧynda ornalasqan №211 referendum uchaskesıne baryp, AES qūrylysyna qatysty respublikalyq referendumda dauys berdı, dep habarlaidy «Adyrna» ūlttyq portaly Aqorda baspasöz qyzmetıne sıltep.
Memleket basşysy öz taŋdauyn jasaǧannan keiın otandyq būqaralyq aqparat qūraldarynyŋ ökılderı üşın brifing ötkızdı. Prezident, eŋ aldymen, referendum turaly pıkır bıldırıp, odan qandai nätije kütetının aitty.
– Bügın – tarihi kün. Halqymyz AES salu mäselesıne qatysty dauys berıp jatyr. Referendum – tıkelei demokratiianyŋ öte tiımdı tetıgı. Halqymyz qandai şeşım qabyldasa, memleketımızdıŋ tüpkı bailamy da solai bolady. Nätije oŋ bolady dep oilaimyn. Şyn mänınde, būl – taǧdyrşeştı oqiǧa. Sondyqtan men referendumdy qoldaimyn, – dedı Qasym-Jomart Toqaev.
Odan keiın Prezident «Referendum qorytyndysy boiynşa halqymyz AES saludy qoldasa, onyŋ qūrylysyn qai el jürgızedı?» degen sūraqqa jauap berdı.
– Būl oŋai mäsele emes. Ükımet taldau jasap, tiıstı kelıssözder jürgızuge tiıs. Menıŋ pıkırımşe, Qazaqstanda eŋ ozyq tehnologiialary bar älemdık kompaniialardan qūralǧan halyqaralyq konsorsium jūmys ısteuı qajet. Qalǧanyn uaqyt körsetedı, – dedı memleket basşysy.
Ūqsas jaŋalyqtar
