Şanhai yntymaqtastyq ūiymy İran İslam Respublikasynyŋ äskeri nysandaryna jasalǧan şabuyl turaly mälımdedı, dep habarlaidy "Adyrna" ūlttyq portaly.
QazAqparat mälımetınşe, ŞYŪ baspasöz qyzmetı arnaiy mälımdeme jariialaǧan.
Aita keteiık, İran, Qazaqstan, Qytai, Qyrǧyzstan, Päkıstan, Resei, Täjıkstan, Özbekstan jäne Ündıstan - ŞYŪ-ǧa müşe elder. Auǧanstan, Belarus jäne Moŋǧoliia ūiymǧa baqylauşy elder statusynda qatysyp otyr. Al qazan aiynda İzrail İranǧa şabuyl jasaǧan bolatyn."Şanhai yntymaqtastyq ūiymyna müşe memleketter 2024 jyldyŋ 26 qazanynda İran İslam Respublikasynyŋ äskeri nysandaryna jasalǧan şabuyldy qataŋ aiyptaidy. ŞYŪ-ǧa müşe memleketter halyqaralyq beibıtşılıkke, qauıpsızdık pen tūraqtylyqqa naqty qauıp töndıruı mümkın Taiau Şyǧystaǧy jaǧdaidyŋ şielenısuıne qatty alaŋdauşylyq bıldırdı. ŞYŪ-ǧa müşe memleketter halyqaralyq qūqyqtyŋ jalpy tanylǧan normalaryn, sonyŋ ışınde BŪŪ Jarǧysynda bekıtılgen normalardy saqtai otyryp, osy aimaqtaǧy jaǧdaidy tek saiasi jäne diplomatiialyq qūraldar arqyly tūraqtandyru boiynşa tiımdı şaralardy tez arada qabyldaudy jaqtaidy", - delıngen habarlamada.
Ūqsas jaŋalyqtar
